اسلام آباد۔21اگست (اے پی پی) وزیرِ دفاع خواجہ محمد آصف آکھیا جو عمران خان دی صحت کوں کوئی خطرہ کائنی، او صحت مند ہن، انہاں دی صحت تے سیاست نہ کیتی ونڄے، آپݨے دور اچ عمران خان شریف بھراواں سمیت سب دیاں بیماریاں دا ہاسا جلسیاں اچ اݙیندے ہن جئیں دی ویڈیوز ایں ایوان دی سکریناں تے ݙکھائی ونڄ سڳدن۔ جمعے کوں قومی اسمبلی اچ گوہر علی خان دے نکتہِ …
عمران خان دی صحت کوں کوئی خطرہ کائنی، ایں تے سیاست نہ کیتی ونڄے: خواجہ آصف
مزید خبراں
اسلام آباد۔21اگست (اے پی پی) وزیرِ دفاع خواجہ محمد آصف آکھیا جو عمران خان دی صحت کوں کوئی خطرہ کائنی، او صحت مند ہن، انہاں دی صحت تے سیاست نہ کیتی ونڄے، آپݨے دور اچ عمران خان شریف بھراواں سمیت سب دیاں بیماریاں دا ہاسا جلسیاں اچ اݙیندے ہن جئیں دی ویڈیوز ایں ایوان دی سکریناں تے ݙکھائی ونڄ سڳدن۔ جمعے کوں قومی اسمبلی اچ گوہر علی خان دے نکتہِ اعتراض دے جواب اچ انہاں اکھیا جو عمران دی بھیݨ جو ڈاکٹر وی ہن انہاں دی عمران خان نال ملاقات تھئی اے، او انہاں دی صحت بارے ݙسا سڳدن، انہاں دے ذاتی معالج ایں ایوان دے ایک معزز رکن کوں ݙسایا جو عمران خان دی اکھیں دا مسئلہ ہا جو ہولے ہولے ہݨ ٹھیک تھی ڳئے، انہاں دی صحت کوں کوئی خطرہ کائنی، بلڈ پریشر دی دوا او گھندن اتے اے عمر دے نال چلدا راہندے، اوروزانہ ترائے گھنٹے ورزش کریندن، معمول دے مطابق چنڳی خوراک گھندن، انہاں دی صحت تے سیاست نہ کیتی ونڄے۔
