دہشت گردی دا نشانہ بݨݨ آلے خانداناں دا ݙکھ ناقابلِ بیان اے، شہیداں دیاں قربانیاں ہمیشہ ساݙے دلاں وچ زندہ راہسن، ڈاکٹر طارق فضل چوہدری

اسلام آباد۔21اگست (اے پی پی) وفاقی وزیرپارلیمانی امور ڈاکٹر طارق فضل چوہدری دہشت گردی دے شکار سارے بے گناہ انساناں کوں خراجِ عقیدت پیش کریندے آکھیے جو وحشت دا نشانہ بݨݨ آلے سارے لوکاں دے خانداناں دا ݙکھ ناقابلِ بیان اے، شہیداں دیاں قربانیاں ہمیشہ ساݙے دلاں وچ زندہ رہسن۔ دہشت گردی دے متاثرین دے عالمی ݙینھ دے موقع تے سماجی رابطے دی ویب سائٹ ایکس تے ھک بیان وچ انہاں آکھیا جو آپݨے پیاریں کوں ونڄاوݨ آلے خانداناں دا ݙکھ ناقابلِ بیان اے، شہیداں دیاں قربانیاں ہمیشہ ساݙے دلاں وچ زندہ رہسن۔انہاں آکھیا جو پاکستان دہشت گردی دے خلاف جنگ وچ بے شمار قیمتی جاناں دیاں قربانیاں ݙتن، ساݙی مسلح افواج، پولیس، قانون نافذ کرݨ آلے اداریں تے عام شہریاں دیاں قربانیاں ایں عزم دی گواہ ہن جو پاکستانی قوم دہشت گردی دے سامݨے کݙاہیں سر نہ جُھکیسی۔ انہاں دا آکھݨ ہئی جو دہشت گردی کہیں مذہب، قوم یا خطے دی نمائندگی نی کریندی، عالمی برادری کوں رل تے انتہا پسندی، دہشت گردی تے ایں دے معاون نیٹ ورکس دے خلاف موثر تے متحد کارروائی کرݨی ہوسی۔ وفاقی وزیرآکھیا جو متاثرین تے شہیداں دے اہل خانہ نال ساݙی دلی ہمدردی تے یکجہتی اے، پرامن، محفوظ تے دہشت گردی توں پاک دنیا ساݙا مشترکہ مقصد ہووݨا چاہیدے