دہشتگردی دے خلاف عالمی برادری متحد تھی تے مؤثر اقدامات کرے: محسن نقوی

اسلام آباد۔21 اگست(اے پی پی)وزیرِ داخلہ محسن نقوی آکھیے جو دہشتگردی دے خلاف عالمی برادری متحد تھی تے مؤثر اقدامات کرے۔ وفاقی وزیرِ داخلہ محسن نقوی دہشتگردی دے متاثرین دی یاد اتے اظہارِ عقیدت دے عالمی ݙینھ تے سنیہے اچ دہشتگردی دے متاثرین اتے شہداء کوں خراجِ عقیدت پیش کیتے۔ محسن نقوی آکھیے جو دہشتگردی دا کوئی مذہب، قوم یا سرحد نئیں ہوندی، اے پوری انسانیت دے خلاف جرم اے، دہشتگردی دے متاثرین دیاں قربانیاں انسانیت سانگے ہک ناقابلِ فراموش باب ہن، دہشتگردی دے خلاف جنگ اچ اپݨیاں جاناںو ارݨ والے شہداء قوم دے سر دا تاج ہین، پاکستان دہشتگردی دے خلاف جنگ اچ اپݨے شہداء اتے متاثرین دیاں قربانیاں دا قرض قیامت تئیں نئیں لہا سڳدا۔ محسن نقوی دہشت گردی دے متاثرین دے اہلخانہ نال یکجہتی کریندے آکھیے جو حکومت انہاں دے نال کھڑی اے اتے ہمیشہ انہاں دا ساتھ ݙیندی راہسی، انہاں عالمی برادری تے زور ݙتا جو دہشت گردی دے خاتمے سانگے متحد تھی تے مؤثر اتے عملی اقدامات کیتے ونڄن۔ وفاقی وزیرِ داخلہ آکھیا جو دہشت گردی دے خلاف جنگ اچ پاکستان دیاں قربانیاں ناقابلِ فراموش ہین اتے شہداء و متاثرین دیاں قربانیاں کوں ہمیشہ یاد رکھیا ویسی۔