راولپنڈی۔21 اگست(اے پی پی)چیف آف ڈیفنس فورسز فیلڈ مارشل نال شام دے وزیر خارجہ اسعد حسن الشیبانی وفد نال ملین جیندے اچ پاکستان اتے شام وچال دفاعی شعبیاں اچ تعاون اتے رابطے ودھاوݨ تے اتفاق کیتا ڳئے۔ آئی ایس پی آر دے مطابق شام دے وزیر خارجہ اسعد حسن الشیبانی وفد نال جی ایچ کیو راولپنڈی پڄین اتے آرمی چیف سید عاصم منیر نال ملین اتے باہمی دلچسپی دے امور …
پاکستان اتے شام دا دفاعی شعبیاں اچ تعاون اتے رابطے ودھاوݨ تے اتفاق
مزید خبراں
راولپنڈی۔21 اگست(اے پی پی)چیف آف ڈیفنس فورسز فیلڈ مارشل نال شام دے وزیر خارجہ اسعد حسن الشیبانی وفد نال ملین جیندے اچ پاکستان اتے شام وچال دفاعی شعبیاں اچ تعاون اتے رابطے ودھاوݨ تے اتفاق کیتا ڳئے۔ آئی ایس پی آر دے مطابق شام دے وزیر خارجہ اسعد حسن الشیبانی وفد نال جی ایچ کیو راولپنڈی پڄین اتے آرمی چیف سید عاصم منیر نال ملین اتے باہمی دلچسپی دے امور اتے خطے دی سکیورٹی صورتحال تے الایا۔ ملاقات اچ پاکستان اتے شام وچال دفاعی اتے سکیورٹی تعاون ودھاوݨ دے امکانات تے وی ڳالھ تھئی۔ آرمی چیف عالمی امن اتے علاقائی استحکام بارے پاکستان دا نقطہ نظر پیش کیتا، مشترکہ سکیورٹی چیلنجز نال نمٹݨ سانگے تعاون اتے مشترکہ کوششاں دی اہمیت تے زور ݙتا۔ شام دے وزیر خارجہ علاقائی امن اتے استحکام دے ودھارے کیتے پاک فوج دے پیشہ ورانہ کردار کوں سراہیا۔ آئی ایس پی آر دے مطابق ایں موقع تے پاکستان اتے شام وچال ݙو طرفہ تعلقات ٻیا مضبوط ٻݨاوݨ دا عزم دوہرائے اتے دفاع تے سکیورٹی دے شعبیاں اچ تعاون اتے رابطے ودھاوݨ تے اتفاق کیتے۔ فیلڈ مارشل عاصم منیر نال شامی وزیر خارجہ اسعد حسن الشیبانی دی ملاقات اچ علاقائی امن اتے استحکام سانگے مشترکہ کوششاں جاری رکھݨ دے عزم دوہرایا ڳیا۔
