نائب وزیراعظم محمد اسحاق ڈار دا یورپی یونین دی خارجہ امور تے سلامتی پالیسی دی اعلیٰ نمائندہ کایا کالاس دے والد دے انتقال تے افسوس

اسلام آباد۔23اگست (اے پی پی) نائب وزیراعظم تے وزیرِ خارجہ سینیٹر محمد اسحاق ڈار سابق وزیرِ اعظمِ ایسٹونیا تے یورپی یونین دی خارجہ امور تے سلامتی پالیسی دی اعلیٰ نمائندہ (HR/VP) کایا کالاس دے والد، سیم کالاس دے انتقال تے ݙکھ تے افسوس دا اظہار کیتے۔ اتوار کوں ایکس تے آپݨے بیان اچ انہاں آکھیا جو میں حکومتِ پاکستان، عوام تے آپݨے ولوں کایا کالاس تے انہاں دے اہل خانہ نال دلی تعزیت دا اظہار کرینداں، ایں مشکل تے ݙکھ دی گھڑی اچ اساݙی دعائیں تے ہمدردیاں انہاں دے نال ہن۔