مظفرگڑھ: چھل توں متاثرہ علاقیاں اچ ریسکیو تے ریلیف آپریشن جاری اے: ترجمان ضلعی انتظامیہ

مظفرگڑھ۔24اگست (اے پی پی) وزیراعلیٰ پنجاب مریم نواز شریف تے ڈپٹی کمشنر عثمان طاہر جپہ دی ہدایات تے دریائے سندھ اچ سیلابی صورتحال پاروں جتوئی تحصیل دے متاثرہ دریائی علاقیاں اچ ضلعی انتظامیہ ولوں ریسکیو تے ریلیف آپریشن رات ڳئے توں تیزی نال جاری اے۔ ترجمان ضلعی انتظامیہ دے مطابق شہریاں تے مال ݙنگر کوں محفوظ جہیں تے منتقل کرݨ دے نال نال متاثرین کوں فوری امداد تے طبی سہولتاں فراہم کیتی ویندی پئن۔ ڈپٹی کمشنر عثمان طاہر جپہ دی ہدایت تے محکمہِ انہار دی ٹیماں بلڈوزرز تے بھاری مشینری دے نال متاثرہ زمیندارہ بند تے موجود ہن اتے شگاف کوں پورݨ کیتے ہنگامی بنیاداں تے کم جاری اے۔ لنڈی پتافی، رام پور سوم اچ پاݨی دے پھیلاؤ کوں روکݨ تے بند کوں مضبوط بݨاوݨ کیتے تمام دستیاب وسائل لاتے ویندے پئن۔ ریسکیو 1122، پولیس، محکمہِ انہار، لائیو اسٹاک تے ٻئے متعلقہ اداریاں دی ٹیماں متاثرہ علاقیاں اچ فیلڈ اچ موجود ہن اتے صورتحال دی مسلسل نگرانی کریندی پئن۔ ضلعی انتظامیہ ولوں متاثرین دی محفوظ ڄہیں تے منتقلی تے ریلیف سرگرمیاں کوں مؤثر بݨاوݨ کیتے مربوط اقدامات کیتے ویندے پئن۔ جتوئی تحصیل دے متاثرہ علاقیاں اچ کلینک آن ویلز وی فعال اے، جتھاں سیلاب متاثرین کوں طبی معائنہ، ضروری دوائی اتے بنیادی طبی سہولتاں فراہم کیتی ویندی پئن۔ یونین کونسل جھگی والا، قیصر غزلانی تے موچی والا دے گورنمنٹ پرائمری سکولاں اچ قائم فلڈ ریلیف کیمپاں اچ متاثرین کیتے ضروری سہولتاں دی فراہمی وی جاری اے۔