اسلام آباد۔ 30 اگست(اے پی پی)وزیرِ اعظم محمد شہباز شریف ترکیہ دے صدر رجب طیب اردوان، ترکیہ دی حکومت اتے عوام کوں یومِ فتح دی مبارک ݙتی اے۔ سماجی رابطے دی ویب سائٹ "ایکس" تے وزیرِ اعظم آکھیا جو او آپݨے پیارے ٻھرا صدر رجب طیب اردوان، حکومتِ ترکیہ اتے برادر عوامِ جمہوریہ ترکیہ کوں یومِ فتح دیاں خوشیاں تے مبارک ݙیندن، 30 اگست اُوں تاریخی فتح دی یاد ݙویندے …
وزیرِ اعظم شہباز شریف دی ترک صدر، حکومت تے عوام کوں یومِ فتح دی مبارک
اسلام آباد۔ 30 اگست(اے پی پی)وزیرِ اعظم محمد شہباز شریف ترکیہ دے صدر رجب طیب اردوان، ترکیہ دی حکومت اتے عوام کوں یومِ فتح دی مبارک ݙتی اے۔ سماجی رابطے دی ویب سائٹ “ایکس” تے وزیرِ اعظم آکھیا جو او آپݨے پیارے ٻھرا صدر رجب طیب اردوان، حکومتِ ترکیہ اتے برادر عوامِ جمہوریہ ترکیہ کوں یومِ فتح دیاں خوشیاں تے مبارک ݙیندن، 30 اگست اُوں تاریخی فتح دی یاد ݙویندے جیڑھا غازی مصطفیٰ کمال اتاترک دی قیادت اچ حاصل کیتی ڳئی اتے جئیں جدید ترک جمہوریہ دیاں بنیاداں کھڑیاں کیتن، پاکستان آپݨے ترک ٻھراواں اتے ٻیݨیں نال رل تے جرات اتے قومی عزم دی ایں عظیم اتے قابلِ فخر میراث کوں خراجِ تحسین پیش کریندے۔ وزیرِ اعظم آکھیا جو پاکستان اتے ترکیہ وچال تعلقات دلاں دے رشتے ہین، جیڑھے مشترکہ ایمان، تاریخ اتے صدیاں تے محیط جدوجہد نال مضبوط تھئن۔ اڄ ساݙے ݙوہائیں ملکاں مکہ مشترکہ دفاعی معاہدے نال پائیدار برادرانہ تعلقات دے ایں سٹریٹجک اظہار دی تجدید کیتی اے، جیڑھے ساݙے ݙوہائیں ملکاں کوں برادر مملکت سعودی عرب نال مشترکہ سلامتی اتے اجتماعی دفاع دے مشترکہ مقصد اچ یکجا کریندے۔ انہاں آکھیا جو پاکستان ݙوہائیں ملکاں دی مشترکہ خوشحالی اتے سلامتی کیتے ترکیہ نال سارے شعبیاں اچ آپݨی سٹریٹجک شراکت داری کوں مزید مضبوط کرݨ دے عزم تے کھڑے۔ انہاں آکھیا جو اللہ کرے جو پاکستان اتے ترکیہ وچال دائمی دوستی اتے تکڑے رشتے آوݨ والیاں نسلاں تئیں ایویں ہی ڳاھاٹے تھیندے راہون۔
