صدرِ مملکت دی یومِ فتح دے موقع تے ترک ہم منصب تے عوام کوں مبارکباد

اسلام آباد۔30 اگست(اے پی پی)صدرِ مملکت آصف علی زرداری یومِ فتح دے موقع تے ترک ہم منصب رجب طیب اردوان اتے ترک عوام کوں مبارک ݙتی اے۔ ایکس تے آپݨے سنیہے اچ صدرِ مملکت آکھیا جو پاکستان اتے ترکیہ وچال تاریخ، ایمان اتے باہمی تعاون دے ڳوِڑھے رشتیاں تے مبنی منفرد اتے پائیدار تعلقات ہین۔ انہاں آکھیا جو 30 اگست 1922ء دی عظیم فتح ترکیہ دی تاریخ دا ہک اہم باب اے، امید اے جو ݙوہیں ملکاں دے قریبی اتے برادرانہ تعلقات ٻئے تکڑے تھیسن۔ صدرِ مملکت صدر رجب طیب اردوان اتے ترک عوام کیتے مسلسل امن، خوشحالی اتے کامیابی دی دعا کیتی۔