وزیرِ اعظم شہباز شریف سنوار کوں 3 ݙینھ دے دورے تے کرغزستان ویسن

اسلام آباد۔ 30 اگست(اے پی پی)وزیرِ اعظم شہباز شریف 3 ݙینھ سرکاری دورے تے سنوار کوں کرغزستان ویسن، جتھاں او بشکیک اچ شنگھائی تعاون تنظیم (ایس سی او) دے سربراہانِ مملکت دے اجلاس اچ شرکت کریسن۔ وزیرِ اعظم شہباز شریف 31 اگست اتے یکم ستمبر کوں ایس سی او سربراہانِ مملکت دے اجلاس اچ شرکت کریسن۔ دورے اچ وزیرِ اعظم روس، چین اتے ایران دے صدور سودھا ٻئے عالمی رہنماواں نال وی ملسن۔ ایس سی او سربراہی اجلاس دے اختتام تے پاکستان پہلی واری ہک سال کیتے شنگھائی تعاون تنظیم دی صدارت سنبھلیسی۔ وزیرِ اعظم شہباز شریف 2 ستمبر توں کرغزستان دا ݙو طرفہ سرکاری دورہ شروع کریسن، جیندے اچ او کرغزستان دی قیادت نال اہم ملاقاتاں کریسن اتے باہمی دلچسپی دے امور تے الیسن۔