اسلام آباد۔31اگست (اے پی پی) صدرِ مملکت آصف علی زرداری ملائیشیا دے 69ویں یومِ آزادی دے موقع تے اتھاں دی حکومت تے عوام کوں دلی مبارکباد پیش کیتی اے۔ سنوار کوں ایوانِ صدر دے پریس ونگ توں جاری بیان دے مطابق ملائیشیا دے بادشاہ سلطان ابراہیم دے ناں آپݨے تہنیتی خط اچ صدرِ مملکت اکھیا جو پاکستان تے ملائیشیا مشترکہ اقدار، مشترکہ عقیدے، آپسی اعتماد تے تعاون دی بنیاد تے …
صدرِ مملکت آصف علی زرداری دی ملائیشیا دے یومِ آزادی دے موقع تے حکومت اتے عوام کوں مبارکباد
اسلام آباد۔31اگست (اے پی پی) صدرِ مملکت آصف علی زرداری ملائیشیا دے 69ویں یومِ آزادی دے موقع تے اتھاں دی حکومت تے عوام کوں دلی مبارکباد پیش کیتی اے۔ سنوار کوں ایوانِ صدر دے پریس ونگ توں جاری بیان دے مطابق ملائیشیا دے بادشاہ سلطان ابراہیم دے ناں آپݨے تہنیتی خط اچ صدرِ مملکت اکھیا جو پاکستان تے ملائیشیا مشترکہ اقدار، مشترکہ عقیدے، آپسی اعتماد تے تعاون دی بنیاد تے قریبی تے دوستانہ تعلقات رکھیندن۔ انہاں آکھیا جو ݙوہائیں ملکاں وچال ݙو پاسہ تعاون تجارت تے سرمایہ کاری، تعلیم، دفاع، ثقافت تے عوامی سطح تے روابط سمیت مختلف شعبیاں اچ مسلسل مضبوط تھیندا پئے۔ صدر آصف علی زرداری ایں اعتماد دا اظہار کیتا جو پاکستان تے ملائیشیا وچال تعاون ݙوہائیں ملکاں دے آپسی مفاد اچ ٻیا ودھسی۔ انہاں ملائیشیا دی قیادت کیتے نیک خواہشات دا اظہار کریندیں ہوئیں ملائیشیا دی عوام کیتے امن، ترقی تے خوشحالی دے تسلسل دی دعا وی کیتی۔
