اسلام آباد۔31اگست (اے پی پی) نائب وزیرِاعظم / وزیرِخارجہ اسحاق ڈار آکھیے جو پاکستان اڄ ثالثی عدالت (Court of Arbitration) دی طرفوں متفقہ طور تے ݙتے ڳئے فیصلے دا خیرمقدم کیتے جیندے اچ بھارت دی طرفوں سندھ طاس معاہدے کوں یکطرفہ طور تے "التواء اچ رکھݨ" دی غیر قانونی کوشش کوں ݙوٹوک انداز اچ مسترد کریندے ایں ڳالھ دی توثیق کیتی ڳئی اے جو معاہدہ بدستور مکمل طور تے …
پاکستان ثالثی عدالت دی طرفوں متفقہ طور تے ݙتے ڳئے فیصلے دا خیرمقدم کریندے، نائب وزیرِاعظم اسحاق ڈار
مزید خبراں
اسلام آباد۔31اگست (اے پی پی) نائب وزیرِاعظم / وزیرِخارجہ اسحاق ڈار آکھیے جو پاکستان اڄ ثالثی عدالت (Court of Arbitration) دی طرفوں متفقہ طور تے ݙتے ڳئے فیصلے دا خیرمقدم کیتے جیندے اچ بھارت دی طرفوں سندھ طاس معاہدے کوں یکطرفہ طور تے “التواء اچ رکھݨ” دی غیر قانونی کوشش کوں ݙوٹوک انداز اچ مسترد کریندے ایں ڳالھ دی توثیق کیتی ڳئی اے جو معاہدہ بدستور مکمل طور تے نافذ العمل تے ݙوہیں فریقین کیتے پابند اے۔ سوشل میڈیا ویب سائٹ ایکس تے آپݨے بیان اچ اسحاق ڈار آکھیا جو اے فیصلہ پاکستان دے ایں مستقل موقف دی تائید کریندے جو کہیں وی پابند بین الاقوامی معاہدے کوں یکطرفہ طور تے معطل یا ختم نی کیتا ونڄ سڳدا۔ بھارت تے لازم اے جو او سندھ طاس معاہدے دے تحت آپݨیاں ساریاں ذمہ واریاں تے جھیڑے دے حل کیتے قائم طریقہِ کار دے تحت آوݨ آلے پابند فیصلیں تے مکمل طور تے عمل کرے۔ پاکستان انشاء اللہ سندھ طاس معاہدے دے تحت آپݨے حقوق دے تحفظ کیتے پرعزم رہسی۔
