پاکستان تے کرغزستان وچال تعلیم، صحت، تجارت، ماحولیاتی تبدیلی، سائنس تے ٹیکنالوجی سمیت مختلف شعبیاں اچ تعاون دے فروغ دے معاہدیاں، مفاہمت دی یادداشتاں تے دستخط

بشکیک۔2ستمبر (اے پی پی) پاکستان اتے کرغزستان تعلیم، صحت، تجارت، ماحولیاتی تبدیلی، سائنس تے ٹیکنالوجی سمیت مختلف شعبیاں اچ تعاون دے فروغ کیتے کئی معاہدیاں تے مفاہمت دیاں یادداشتاں تے دستخط کر ݙتن۔ ایں حوالے نال دستاویزاں دے تبادلیاں دی تقریب بدھ کوں اتھاں کرغزستان دے صدارتی محل اچ تھئی۔ ایں موقعے تے وزیراعظم محمد شہباز شریف تے جمہوریہ کرغزستان دے صدر صادر ژاپاروف وی موجود ہن۔ جمہوریہ کرغزستان دے صدر صادر ژاپاروف تے وزیر اعظم محمد شہباز شریف مشترکہ اعلامیہ تے دستخط اتے دستاویز دا تبادلہ کیتا۔ جنہاں معاہدیاں تے ایم او یوز دا تبادلہ کیتا ڳیا انہاں اچ انسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) تے جمہوریہ کرغزستان دے نیشنل انسٹی ٹیوٹ فار سٹریٹجک انیشی ایٹو دے وچال مفاہمت دی یادداشت دی دستاویز، پاکستان دی وزارتِ خارجہ تے کرغزستان دی وزارتِ خارجہ وچال 2026-27 کیتے تعاون دا پروگرام، پاکستان دی حکومت تے کرغزستان دے کابینہ وزرا دے وچال ٹرانزٹ ٹریڈ بارے معاہدہ، کرغزستان تے پاکستان دی حکومت وچال حوالگی دا معاہدہ، حکومتِ پاکستان تے کرغزستان دے وچال سائنس تے تکنیکی تعاون دا معاہدہ، پاکستان تے کرغزستان دے وچال فوجداری معاملات اچ آپسی قانونی معاونت دے معاہدے دا مسودہ، کرغزستان دی وزارتِ داخلہ تے پاکستان دی وزارتِ داخلہ تے انسدادِ منشیات وچال منشیات، نشہ آور اشیاء تے پریکرسر کیمیکلز وغیرہ دی سمگلنگ دی روک تھام اچ تعاون کیتے مفاہمت دی یادداشت، کرغزستان دی وزارتِ صحت تے پاکستان میڈیکل اینڈ ڈینٹل کونسل وچال طبی تعلیم کیتے تعاون بارے مفاہمت دی یادداشت، کرغزستان دی وزارتِ تعلیم تے پاکستان دی وزارتِ وفاقی تعلیم و پیشہ ورانہ تربیت وچال تعلیم دے شعبے اچ تعاون نال متعلق مفاہمت دی یادداشت، کرغزستان دی وزارتِ قدرتی وسائل، ماحولیات تے تکنیکی نگرانی تے پاکستان دی وزارتِ موسمیاتی تبدیلی تے ماحولیاتی رابطہ کاری وچال ماحولیات تے موسمیاتی تبدیلی دے شعبے اچ تعاون کیتے مفاہمت دی یادداشت، این ڈی یو پاکستان تے نیشنل انسٹی ٹیوٹ فار سٹریٹجک انیشی ایٹوز کرغزستان وچال اکیڈمک ریسرچ تے معاون سرگرمیاں دے شعبے اچ مفاہمت دی یادداشت، کرغزستان دے صدر ولوں قومی ایجنسی برائے ورچوئل ایسٹس تے بلاک چین ٹیکنالوجیز تے پاکستان ورچوئل ایسیٹس ریگولیٹری اتھارٹی وچال ورچوئل اثاثیاں دے شعبے اچ تعاون کیتے مفاہمت دی یادداشت، لاہور تے کرغزستان دے شہر اوش دے وچال سسٹر سٹی تعلقات دے قیام دا معاہدہ، او جے ایس سی کرغز پوسٹ تے پاکستان پوسٹ وچال پوسٹل سروسز تے ای کامرس دے شعبے اچ آپسی تعاون نال متعلق ݙوپاسہ معاہدہ تے کرغزستان دے چیمبر آف کامرس اینڈ انڈسٹری تے فیڈریشن آف پاکستان چیمبر آف کامرس اینڈ انڈسٹری وچال تعاون دے معاہدے دیاں دستاویزاں دا تبادلہ کیتا ڳیا۔ پاکستان ولوں نائب وزیراعظم تے وزیرِ خارجہ محمد اسحاق ڈار، وفاقی وزیرِ مواصلات عبدالعلیم خان، وفاقی وزیرِ اطلاعات تے نشریات عطاء اللہ تارڑ، وفاقی وزیرِ تجارت جام کمال خان اتے وزیراعظم دے معاونِ خصوصی طارق فاطمی جݙاں جو کرغزستان ولوں متعلقہ وزرا دستاویزاں دا تبادلہ کیتا۔