پاکستان سخت مالیاتی، ساختی تے انتظامی اصلاحات دے ذریعے مشکل معاشی بحالی دے مرحلے کوں کامیابی نال عبور کیتے، وزیرِ اعظم دی اے ڈی بی دے نائب صدر نال ملاقات اچ ڳالھ مہاڑ

اسلام آباد۔ 04 ستمبر (اے پی پی) وزیرِ اعظم محمد شہباز شریف طویل مدتی معاشی تبدیلی کیتے حکومت دے پختہ عزم دا اعادہ کریندیں ہوئیں آکھیا جو انتظامی رکاوٹاں دے خاتمے کیتے خصوصی ٹاسک فورسز دے ذریعے موثر اقدامات کیتے ویندے پئن، پاکستان سخت مالیاتی، ساختی تے انتظامی اصلاحات دے ذریعے مشکل معاشی بحالی دے مرحلے کوں کامیابی نال عبور کیتے، انہاں اصلاحات دے نتیجے اچ ملکی معیشت اچ استحکام آیا، سرمایہ کاراں دا اعتماد بحال تھیا ڄݙاں جو فچ، موڈیز تے ایس اینڈ پی سمیت عالمی کریڈٹ ریٹنگ ایجنسیاں پاکستان کیتے مستحکم معاشی منظرنامے دی درجہ بندی کیتی اے۔ جمعے کوں وزیرِ اعظم آفس دے میڈیا ونگ توں جاری بیان دے مطابق ایشیائی ترقیاتی بینک (اے ڈی بی) دے جنوبی، وسطی تے مغربی ایشیا دے نائب صدر ینگ منگ یانگ وزیرِ اعظم شہباز شریف نال ملاقات کیتی۔ وزیرِ اعظم ینگ منگ یانگ دے اعزاز اچ ناشتے دا اہتمام کیتا۔ ملاقات اچ پاکستان تے ایشیائی ترقیاتی بینک دے درمیان کئی دہائیاں تے محیط ترقیاتی شراکت داری دا جائزہ گھدا ڳیا اتے نویں کنٹری پارٹنرشپ سٹریٹیجی (سی پی ایس) 2026-2030ء دے تحت ترجیحی شعبیاں اچ اقدامات تے غور کیتا ڳیا۔ وزیرِ اعظم ینگ منگ یانگ دا ایں حیثیت نال پاکستان دے پہلے سرکاری دورے تے خیرمقدم کریندیں ہوئیں پاکستان اچ شہری بنیادی ڈھانچے، ٹرانسپورٹ تے عوامی خذمتاں دے اہم منصوبیاں دی تکمیل اچ اے ڈی بی دی مسلسل پیشہ ورانہ کارکردگی تے بروقت تعاون کوں سراہیا۔ وزیرِ اعظم آکھیا جو پاکستان سخت مالیاتی، ساختی تے انتظامی اصلاحات دے ذریعے مشکل معاشی بحالی دے مرحلے کوں کامیابی نال عبور کیتے۔ انہاں اصلاحات دے نتیجے اچ ملکی معیشت اچ استحکام آیا، سرمایہ کاراں دا اعتماد بحال تھیا ڄݙاں جو فچ، موڈیز تے ایس اینڈ پی سمیت عالمی کریڈٹ ریٹنگ ایجنسیاں پاکستان کیتے مستحکم معاشی منظرنامے دی درجہ بندی کیتی اے۔ انہاں طویل مدتی معاشی تبدیلی کیتے حکومت دے پختہ عزم دا اعادہ کریندیں ہوئیں آکھیا جو انتظامی رکاوٹاں دے خاتمے کیتے خصوصی ٹاسک فورسز دے ذریعے موثر اقدامات کیتے ویندے پئن۔ ملاقات اچ کراچی توں پشاور تائیں مین لائن-1 (ایم ایل-1) ریلوے کوریڈور دی جدید خطوط تے اپ گریڈیشن تے خصوصی توجہ ݙتی ڳئی ڄیہڑی قومی بنیادی ڈھانچے دی ایک اہم ترجیح اے۔ وزیرِ اعظم شہباز شریف آکھیا جو ایم ایل-1 دی اپ گریڈیشن مال برداری دے نظام کوں جدید بݨاوݨ، علاقائی تجارتی رابطیاں کوں مضبوط کرݨ تے وݙے صنعتی منصوبیاں کوں فروغ ݙیوݨ کیتے انتہائی اہم اے۔ ملاقات اچ ایم ایل-1 منصوبے تے جلد عملی کام شروع کرݨ دی ضرورت تے وی زور ݙتا ڳیا تانجو بنیادی ڈھانچے دی ترقی تے ملک اچ رابطیاں دے نظام کوں جدید بݨاوݨ دے عمل کوں تیز کیتا ونڄ سڳے۔