اسلام آباد۔ 04 ستمبر (اے پی پی) وفاقی وزیرِ داخلہ محسن نقوی بلوچستان دے علاقے قلات اچ فتنہ الہندوستان دے دہشت گرداں دے خلاف کامیاب کارروائی تے سکیورٹی فورسز کوں خراجِ تحسین پیش کیتے۔ اپݨے بیان اچ وفاقی وزیرِ داخلہ آکھیا جو سکیورٹی فورسز وقتی تے پیشہ وارانہ کارروائی کریندے 12 دہشت گرداں کوں جہنم واصل کیتے۔ انہاں واضح کیتا جو سکیورٹی فورسز بلوچستان توں امن دشمناں دے مکمل …
سکیورٹی فورسز دی قلات اچ دہشت گرداں دے خلاف کامیاب کارروائی لائقِ تحسین اے، وفاقی وزیرِ داخلہ محسن نقوی
اسلام آباد۔ 04 ستمبر (اے پی پی) وفاقی وزیرِ داخلہ محسن نقوی بلوچستان دے علاقے قلات اچ فتنہ الہندوستان دے دہشت گرداں دے خلاف کامیاب کارروائی تے سکیورٹی فورسز کوں خراجِ تحسین پیش کیتے۔ اپݨے بیان اچ وفاقی وزیرِ داخلہ آکھیا جو سکیورٹی فورسز وقتی تے پیشہ وارانہ کارروائی کریندے 12 دہشت گرداں کوں جہنم واصل کیتے۔ انہاں واضح کیتا جو سکیورٹی فورسز بلوچستان توں امن دشمناں دے مکمل خاتمے کیتے پوری طرح پرعزم ہن۔ محسن نقوی ݙو ٹوک لفظاں اچ آکھیا جو فتنہ الہندوستان دے دہشت گرداں تے انہاں دے سہولت کاراں کوں ہݨ ملک اچ کہیں جاہ لکݨ دی جاہ نہ ملسی تے ریاست دشمن عناصر دے ناپاک عزائم کوں ہر قیمت تے مٹی اچ ملایا ویسی۔ انہاں آکھیا جو دہشت گردی دے خلاف جنگ اچ پوری قوم اپݨی سکیورٹی فورسز دے رلے کھڑی اے تے عوام دے غیر متزلزل تعاون تے حمایت نال ملک توں دہشت گردی دا مکمل خاتمہ یقینی بݨایا ویسی۔
