وزیرِ اعظم دا بلوچستان دے مختلف علاقیاں اچ سکیورٹی فورسز دے کامیاب آپریشنز تے خراجِ تحسین

اسلام آباد۔ 04 ستمبر(اے پی پی)وزیرِ اعظم محمد شہباز شریف بلوچستان دے مختلف علاقیاں اچ سکیورٹی فورسز دے کامیاب انٹیلی جنس بیسڈ آپریشنز تے سکیورٹی فورسز کوں شاندار خراجِ تحسین پیش کیتے۔ وزیرِ اعظم پچھلے 24 گھنٹیاں اچ مستونگ، کوئٹہ، قلات اتے سبی اچ دہشت گرداں دے خلاف کارروائی تے 36 دہشت گرداں کوں جہنم واصل کرݨ تے پاک فوج دے پیشہ ورانہ عزم کوں سراہیا۔ انہاں آکھیا جو فتنہ الہندوستان اتے فتنہ الخوارج دے مذموم عزائم کوں مٹی اچ ملاوݨ والی سکیورٹی فورسز پوری قوم دا ماݨ ہین، سال 2026ء اچ ہݨ تائیں بلوچستان اچ 1188 توں ودھ دہشت گرداں دا خاتمہ ریاست دے غیر متزلزل عزم اتے سکیورٹی فورسز دی برتری دا منہ ٻولیندا ثبوت اے۔ وزیرِ اعظم آکھیا جو وژن ’’عزمِ استحکام‘‘ دے تحت ملک دشمن عناصر دے خلاف آپریشن آخری دہشتگرد مکݨ تئیں جاری رہسی، پاکستان دے امن تے کوئی سمجھوتہ نہ کیتا ویسی۔