اسلام آباد۔ 09 ستمبر(اے پی پی) وفاقی وزیرِقانون وانصاف سینیٹر اعظم نذیر تارڑ آکھیے جو ٻاہرلے ملک رہݨ آلے پاکستانی ملک دا قیمتی اثاثہ ہن، حکومت انہاں کوں ہرممکن سہولت ݙیوݨ کیتے پرعزم اے۔ ترجمان وزارتِ قانون و انصاف موجب انہاں سفری دستاویزات تے ضروری کاغذات دی وقتی تصدیق یقینی بݨاوݨ کیتے مربوط تے تکھی رفتار نظام وضع کرݨ دی ہدایت کرݙتی۔ وفاقی وزیرِ قانون دی زیرِ صدارت پاسپورٹ رولز …
وفاقی وزیرِ قانون سینیٹراعظم نذیر تارڑ دی ٻاہرلے ملک پاکستانیاں کوں سفری دستاویزات دی تصدیق اچ سہولت ݙیوݨ کیتے نظام وضع کرݨ دی ہدایت
مزید خبراں
اسلام آباد۔ 09 ستمبر(اے پی پی) وفاقی وزیرِقانون وانصاف سینیٹر اعظم نذیر تارڑ آکھیے جو ٻاہرلے ملک رہݨ آلے پاکستانی ملک دا قیمتی اثاثہ ہن، حکومت انہاں کوں ہرممکن سہولت ݙیوݨ کیتے پرعزم اے۔ ترجمان وزارتِ قانون و انصاف موجب انہاں سفری دستاویزات تے ضروری کاغذات دی وقتی تصدیق یقینی بݨاوݨ کیتے مربوط تے تکھی رفتار نظام وضع کرݨ دی ہدایت کرݙتی۔ وفاقی وزیرِ قانون دی زیرِ صدارت پاسپورٹ رولز کمیٹی دا اجلاس تھیا جیندے اچ وزارتِ داخلہ، وزارتِ خارجہ، محکمہ پاسپورٹ تے ٻئے متعلقہ حکام شرکت کیتی۔ اعظم نذیر تارڑ آکھیا جو ضروری کاغذات دی تصدیق کیتے مربوط نظام وضع کیتا ونڄے تے ریکارڈ دی تصدیق دے عمل کوں تکھی رفتار تے سوکھا بݨایا ونڄے۔ انہاں ہدایت کیتی جو تصدیق دے عمل کیتے واضح ٹائم لائن مقرر کیتی ونڄے تاں جو ٻاہرلے ملک پاکستانیاں کوں غیر ضروری تاخیر دا سامݨا نہ کرݨا پووے۔ وفاقی وزیر وزارتِ داخلہ دی سطح تے الیکٹرانک طریقہ کار وضع کرݨ تے ضروری کارروائی آن لائن مکمل کرݨ دی ہدایت وی کیتی۔ انہاں تصدیق دے عمل کیتے ون ونڈو پورٹل متعارف کراوݨ دی تجویز ݙیندے قواعد و ضوابط اچ بہتری کیتے تجویزاں پیش کرݨ دی وی ہدایت کیتی۔ اعظم نذیر تارڑ آکھیا جو متعلقہ ادارے آندے اجلاس اچ ایں حوالے نال واضح لائحہ عمل پیش کرن تاں جو نظام کوں ٻیا موثر، شفاف تے عوام دوست بݨایا ونڄ سڳے۔
