مون سون بارشاں دا آخری سپیل 17 ستمبر تئیں جاری رہوݨ دا امکان اے، ترجمان

لاہور۔ 12 ستمبر (اے پی پی) پی ڈی ایم اے دا صوبہ بھر اچ مون سون بارشاں دے نویں تے آخری سپیل دے حوالے نال الرٹ جاری، 12 توں 17 ستمبر دے دوران صوبے دے کئی ضلعیاں اچ بارشاں دی پیشگوئی کیتی ڳئی اے۔ ترجمان پی ڈی ایم اے دے مطابق 12 توں 17 ستمبر دے دوران راولپنڈی، جہلم، چکوال، تلہ گنگ تے اٹک ڄݙاں جو 14 توں 17 ستمبر دے دوران لاہور، سیالکوٹ، شیخوپورہ، نارووال، منڈی بہاؤالدین، گوجرانوالہ، گجرات، وزیرآباد، حافظ آباد، قصور، اوکاڑہ، ننکانہ صاحب تے سرگودھا اچ بارش متوقع اے۔ ترجمان دے مطابق خوشاب، میانوالی، نورپور تھل، فیصل آباد، جھنگ، ٹوبہ ٹیک سنگھ، لیہ، بھکر، ساہیوال، ڈیرہ غازی خان، ملتان تے آسے پاسے اچ وی بارش دا امکان اے۔ ڈی جی پی ڈی ایم اے آکھیا جو مری، گلیات تے پہاڑی علاقیاں اچ لینڈ سلائیڈنگ دے خدشے پاروں متعلقہ اداریاں کوں الرٹ رہوݨ دی ہدایت کیتی اے۔ ڈی جی پی ڈی ایم اے محمد سیف انور جپہ صوبہ بھر دے کمشنراں تے ڈپٹی کمشنراں کوں موسمی صورتحال پاروں ہائی الرٹ رہوݨ دی ہدایات جاری کریندیں ہوئیں آکھیا جو وزیراعلیٰ پنجاب دیاں ہدایات دے مطابق تمام ضلعی انتظامیہ کوں الرٹ جاری کر ݙتا ڳئے۔