پاکستان دی سعودی عرب اچ پائپ لائن تے ڈرون حملیاں دی مذمت

اسلام آباد۔ 12 ستمبر (اے پی پی) پاکستان سعودی عرب اچ پائپ لائن تے ڈرون حملیاں دی شدید مذمت کریندیں ہوئیں آکھیا جو اے حملے خطے دے امن، سلامتی تے استحکام کیتے سنگین خطرہ ہن، پاکستان خطے اچ پائیدار امن تے استحکام دے حصول کیتے مخلصانہ کوشتاں کریندا رہیے اتے آئندہ وی اے کوشتاں جاری رکھیسی۔ ہفتے کوں ترجمان دفترِ خارجہ توں جاری بیان دے مطابق پاکستان سعودی عرب دے ریاض تے مدینہ دے علاقیاں اچ ایسٹ ویسٹ پائپ لائن تے تھیوݨ آلے قابلِ مذمت ڈرون حملیاں دی شدید مذمت کیتی اے، جئیں اچ پائپ لائن کوں نقصان تھیا اتے شہری زخمی تھئے۔ انہاں آکھیا جو اے حملے تے شہری بنیادی ڈھانچے کوں نشانہ بݨاوݨ بین الاقوامی قانون دی کھلی خلاف ورزی اے، ڄݙاں جو اے برادر ملک سعودی عرب دی خودمختاری تے علاقائی سالمیت دی وی صریح خلاف ورزی اے۔ اے حملے خطے دے امن، سلامتی تے استحکام کیتے سنگین خطرہ ہن۔ انہاں آکھیا جو پاکستان سعودی عرب دی خودمختاری، علاقائی سالمیت، سلامتی تے خوشحالی کیتے آپݨی غیر متزلزل حمایت دا اعادہ کریندے اتے مملکت دی قیادت، حکومت تے برادر عوام دے نال یکجہتی دا اظہار کریندے۔