اسلام آباد۔ 12 ستمبر (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار چین دے نال تجارت تے سرمایہ کاری، علاقائی روابط، سی پیک، زراعت، سائنس و ٹیکنالوجی، تعلیم تے عوامی سطح تے روابط سمیت مختلف شعبیاں اچ آہنی بھائی چارے تے سدابہار تذویراتی تعاون تے مبنی شراکت داری کوں ٻیا مضبوط تے گہرا کرݨ دی اہمیت تے زور ݙتا۔ ہفتے کوں دفترِ خارجہ توں جاری …
نائب وزیرِ اعظم تے وزیرِ خارجہ سینیٹر محمد اسحاق ڈار نال پاکستان دے چین کیتے نامزد سفیر علی اسد گیلانی دی ملاقات
اسلام آباد۔ 12 ستمبر (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار چین دے نال تجارت تے سرمایہ کاری، علاقائی روابط، سی پیک، زراعت، سائنس و ٹیکنالوجی، تعلیم تے عوامی سطح تے روابط سمیت مختلف شعبیاں اچ آہنی بھائی چارے تے سدابہار تذویراتی تعاون تے مبنی شراکت داری کوں ٻیا مضبوط تے گہرا کرݨ دی اہمیت تے زور ݙتا۔ ہفتے کوں دفترِ خارجہ توں جاری بیان دے مطابق پاکستان دے چین کیتے نامزد سفیر علی اسد گیلانی نائب وزیرِ اعظم تے وزیرِ خارجہ سینیٹر محمد اسحاق ڈار نال ملاقات کیتی۔ نائب وزیرِ اعظم تے وزیرِ خارجہ علی اسد گیلانی کوں چین کیتے سفیر مقرر تھیوݨ تے مبارکباد ݙتی تے ایں ڳالھ تے زور ݙتا جو پاکستان چین دے نال آپݨے آزمودہ تے دیرینہ تعلقات کوں خصوصی اہمیت ݙیندے۔ انہاں تجارت تے سرمایہ کاری، علاقائی روابط، سی پیک، زراعت، سائنس و ٹیکنالوجی، تعلیم تے عوامی سطح تے روابط سمیت مختلف شعبیاں اچ آہنی بھائی چارے تے سدابہار تذویراتی تعاون تے مبنی شراکت داری کوں ٻیا مضبوط تے گہرا کرݨ دی اہمیت تے زور ݙتا۔ نائب وزیرِ اعظم تے وزیرِ خارجہ ایشیا پیسیفک دے ایڈیشنل سیکریٹری دی حیثیت نال سفیر نامزد علی اسد گیلانی دیاں خذمتاں کوں سراہندے ہوئیں ایں اعتماد دا اظہار کیتا جو انہاں دا تجربہ پاکستان تے چین وچال دیرپا شراکت داری کوں ٻیا مضبوط بݨاوݨ اچ معاون ثابت تھیسی۔ انہاں بیجنگ اچ انہاں دی نویں ذمہ داریاں کیتے نیک خواہشات دا اظہار کیتا۔
