چیئرمین سینیٹ دی قائدانہ بصیرت نال پاکستان دی پارلیمانی سفارت کاری ٻیا مستحکم

اسلام آباد۔ 13 ستمبر (اے پی پی) چیئرمین سینیٹ سید یوسف رضا گیلانی دی پارلیمانی سفارت کاری دے فروغ تے دنیا بھر دی پارلیماناں دے نال پاکستان دے روابط ٻیا مضبوط بݨاوݨ کیتے مسلسل کوشتاں کوں بین الپارلیمانی سپیکرز کانفرنس (آئی ایس سی) ولوں سراہیا ڳئے۔ سینیٹ سیکرٹریٹ دے مطابق اے پذیرائی 26 توں 28 اگست 2026ء کوں کمبوڈیا دے دارالحکومت نوم پنہ اچ تھیوݨ آلی ٻئی بین الپارلیمانی سپیکرز کانفرنس (ISC-2) اچ انہاں دی قیادت تے فعال کردار دے اعتراف اچ کیتی ڳئی۔ آئی ایس سی دے سیکرٹری جنرل ایک ناتھ ڈھکال چیئرمین سینیٹ دے نام آپݨے خط اچ، آئی ایس سی تے سینیٹ آف کمبوڈیا دے صدر سامدیک اکّا موہا سینا پادئی تیچو ہن سین ولوں کانفرنس اچ انہاں دی شرکت تے گراں قدر کردار تے اظہارِ تشکر کیتا۔ خط اچ سید یوسف رضا گیلانی کوں بین الپارلیمانی سپیکرز کانفرنس دے بانی چیئرمین دی حیثیت نال وی خراجِ تحسین پیش کیتا ڳیا۔ چیئرمین سینیٹ سید یوسف رضا گیلانی دی پارلیمانی سفارت کاری امن، مکالمے، باہمی افہام و تفہیم، تنازعیاں دے پُرامن حل تے قوماں دے درمیان تعاون دے فروغ تے مبنی اے۔ دنیا بھر دے سپیکرز، پارلیمانی سربراہاں تے پارلیمانی رہنماواں دے نال انہاں دے مسلسل روابط روایتی سفارتی ذرائع توں ہٹ تے پارلیمان توں پارلیمان دے درمیان روابط تے ادارہ جاتی تعلقات کوں مضبوط بݨاوݨ اچ اہم کردار ادا کیتے۔ ٻئی بین الپارلیمانی سپیکرز کانفرنس “امن تے مشترکہ خوشحالی کیتے یکجہتی ، بین الاقوامی قانون دے استحکام تے تنازعیاں دے پُرامن حل کیتے اقدامات” دے موضوع دے تحت منعقد تھئی، ڄیندے اچ مختلف ملکاں دے پارلیمانی رہنماؤاں امن، بین الاقوامی تعاون تے تنازعیاں دے پُرامن حل سمیت اہم عالمی امور تے غور کیتا۔ چیئرمین سینیٹ سید یوسف رضا گیلانی کانفرنس دے پلیٹ فارم توں پاکستان دے مکالمے، کثیرالجہتی تعاون تے بین الاقوامی قانون دے احترام دے عزم دا اعادہ کیتا۔