راولپنڈی۔ 14 ستمبر(اے پی پی)پاک فوج دے شعبہ تعلقات عامہ (آئی ایس پی آر) دے مطابق انڈونیشین بحریہ دے سربراہ ایڈمرل ڈاکٹر محمد علی جی ایچ کیو راولپنڈی اچ آرمی چیف، چیف آف ڈیفنس فورسز فیلڈ مارشل سید عاصم منیر نال ملین۔ آئی ایس پی آر دے مطابق ملاقات اچ باہمی دلچسپی دے امور، علاقائی سکیورٹی اتے ݙو طرفہ دفاعی تعاون تے ڳالھ مہاڑ کیتی ڳئی۔ پاک فوج دے شعبہ …
انڈونیشین بحریہ دے سربراہ ایڈمرل ڈاکٹر محمد علی دی چیف آف ڈیفنس فورسز فیلڈ مارشل سید عاصم منیر نال ملاقات
راولپنڈی۔ 14 ستمبر(اے پی پی)پاک فوج دے شعبہ تعلقات عامہ (آئی ایس پی آر) دے مطابق انڈونیشین بحریہ دے سربراہ ایڈمرل ڈاکٹر محمد علی جی ایچ کیو راولپنڈی اچ آرمی چیف، چیف آف ڈیفنس فورسز فیلڈ مارشل سید عاصم منیر نال ملین۔ آئی ایس پی آر دے مطابق ملاقات اچ باہمی دلچسپی دے امور، علاقائی سکیورٹی اتے ݙو طرفہ دفاعی تعاون تے ڳالھ مہاڑ کیتی ڳئی۔ پاک فوج دے شعبہ تعلقات عامہ دے مطابق ݙوہائیں پاسوں پاکستان اتے انڈونیشیا دے موجودہ عسکری تعلقات تے اطمینان کیتا ڳیا۔ آئی ایس پی آر دے مطابق ملاقات اچ پیشہ ورانہ تربیت، دفاعی تعاون اتے مشترکہ فوجی مشقاں سودھا مختلف شعبیاں اچ تعاون ٻیا تکڑا کرݨ دا عزم دوہرایا ڳیا۔ فیلڈ مارشل دفاع اتے سکیورٹی سودھا مختلف شعبیاں اچ پاکستان اتے انڈونیشیا دے دیرینہ اتے برادرانہ تعلقات کوں مزید مضبوط بݨاوݨ دا عزم دوہرایا۔ آئی ایس پی آر دے مطابق ایڈمرل ڈاکٹر محمد علی پاک فوج دی پیشہ ورانہ صلاحیتاں کوں سراہیا، ایڈمرل ڈاکٹر محمد علی علاقائی امن اتے استحکام کیتے پاکستان دی مسلح افواج دیاں خدمات کوں منیا اتے تعریف کیتی۔
