راولپنڈی۔ 14 ستمبر(اے پی پی)لبنان دے وزیرِ داخلہ و بلدیات احمد الحجار پاکستان دے ݙو ݙینھ دے دورے اچ جنرل ہیڈ کوارٹرز اچ فیلڈ مارشل سید عاصم منیر نال ملین۔ پاک فوج دے شعبہ تعلقات عامہ (آئی ایس پی آر) دے مطابق ملاقات اچ فریقین باہمی دلچسپی دے امور، خطے دی بدلدی سکیورٹی صورتحال اتے سکیورٹی دے شعبے اچ ݙو طرفہ تعلقات کوں ٻیا مستحکم ٻݨاوݨ دے امکانات تے الایا۔ …
لبنان دے وزیرِ داخلہ احمد الحجار دی جي ایچ کیو اچ فیلڈ مارشل سید عاصم منیر نال ملاقات
راولپنڈی۔ 14 ستمبر(اے پی پی)لبنان دے وزیرِ داخلہ و بلدیات احمد الحجار پاکستان دے ݙو ݙینھ دے دورے اچ جنرل ہیڈ کوارٹرز اچ فیلڈ مارشل سید عاصم منیر نال ملین۔ پاک فوج دے شعبہ تعلقات عامہ (آئی ایس پی آر) دے مطابق ملاقات اچ فریقین باہمی دلچسپی دے امور، خطے دی بدلدی سکیورٹی صورتحال اتے سکیورٹی دے شعبے اچ ݙو طرفہ تعلقات کوں ٻیا مستحکم ٻݨاوݨ دے امکانات تے الایا۔ ترجمان پاک فوج موجب ݙوہائیں ملکاں دے سکیورٹی اداریاں وچال ادارہ جاتی روابط مضبوط بݨاوݨ اتے باہمی تعاون ودھاوݨ دی اہمیت تے وی زور ݙتا ڳیا۔ چیف آف ڈیفنس فورسز اتے فیلڈ مارشل سید عاصم منیر لبنان نال ݙو طرفہ تعلقات مزید مضبوط بݨاوݨ کیتے پاکستان دا عزم دوہرایا اتے مشترکہ دلچسپی دے شعبیاں اچ باہمی مفاد تے مبنی تعاون کوں ٻیا وسعت ݙیوݨ دی خواہش وی ݙسائی۔ ݙوڄھے پاسو لبنانی وزیرِ داخلہ و بلدیات علاقائی امن و استحکام کیتے پاکستان دیاں کاوشاں کوں سراہیا اتے دہشتگردی دے خلاف جنگ اچ پاک فوج دی پیشہ ورانہ صلاحیتاں اتے قربانیاں کوں منیا اتے تعریف کیتی۔
