صدر آصف علی زرداری نال لبنانی وزیرِ داخلہ احمد الحجار دی ملاقات

اسلام آباد۔ 14 ستمبر(اے پی پی)صدر مملکت آصف علی زرداری پاکستان اتے لبنان دے تعلقات بالخصوص داخلی سلامتی، قانون نافذ کرݨ اتے انسدادِ منشیات دے شعبیاں اچ تعاون ودھاوݨ تے زور ݙتے۔ ایوانِ صدر دے میڈیا ونگ توں جاری بیان دے مطابق انہاں اے ڳالھ لبنان دے وزیرِ داخلہ و بلدیات احمد الحجار نال الیندے آکھی۔ جنہاں ایوانِ صدر اسلام آباد اچ صدر مملکت نال ملاقات کیتی۔ انہاں لبنان دی خودمختاری، آزادی، اتحاد اتے علاقائی سالمیت کیتے پاکستان دی اصولی حمایت دا عزم دوہریندے آکھیا جو پاکستان کشیدگی اچ کمی، پائیدار امن تے تنازعات دے حل کیتے سفارتی کوششاں، مذاکرات تے بین الاقوامی قانون دے مطابق اقدامات دی حمایت کریندے۔ صدر مملکت لبنان اتے وسیع تر مشرقِ وسطیٰ اچ جاری عدم استحکام تے کشیدگی، بالخصوص ایںدے انسانی اتے سلامتی دے اثرات تے چنتا کیتے۔ صدر مملکت آصف علی زرداری جرائم دے معاملات اچ حوالگی تے باہمی قانونی معاونت اچ مزید تعاون تے زور ݙتے۔ لبنان دے وزیرِ داخلہ احمد الحجار لبنان کیتے پاکستان دی حمایت اتے خطے اچ پاکستان دے کردار دی تعریف کیتی۔ انہاں ݙوہائیں ملکاں خاص طور تے سکیورٹی تے قانون نافذ کرݨ دے شعبیاں اچ تعاون کوں مضبوط بݨاوݨ دی اہمیت تے زور ݙتا۔ لبنانی وزیر نال پاکستان اچ لبنان دے سفیر عبدالعزیز عیسیٰ، میجر جنرل رائد عبداللہ، ڈائریکٹر جنرل، داخلی سکیورٹی فورسز اتے بریگیڈیئر جنرل سامی ناصف، بریگیڈیئر جنرل محمود کبروسلی وی ہن۔ ایں موقع تے وزیرِ داخلہ سید محسن رضا نقوی، وزیرِ مملکت برائے داخلہ و انسدادِ منشیات سینیٹر طلال چوہدری تے سینیٹر سلیم مانڈوی والا وی موجود ہن۔