وفاقی وزیرقانون و انصاف سینیٹراعظم نذیر تارڑ دی زیر صدارت آٹو اتےآٹو پارٹس مینوفیکچرنگ پالیسی 2026-31 متعلق کمیٹی دا اجلاس

اسلام آباد۔16ستمبر(اے پی پی) وفاقی وزیر قانون و انصاف سینیٹر اعظم نذیر تارڑ دی صدارت اچ آٹو اتے آٹو پارٹس مینوفیکچرنگ پالیسی 2026-31 متعلق کمیٹی دا اجلاس تھیا جئیں اچ پالیسی دے مسودے دا تفصیلی جائزہ گھندے ایں کوں وقتی حتمی شکل ݙیوݨ سانڳے روزانہ اجلاس منعقد کرݨ دا فیصلہ کیتا ڳئے۔وزارت قانون و انصاف دے ترجمان موجب اجلاس اچ وفاقی وزیر توانائی اویس احمد خان لغاری، مشیر وزیراعظم ہارون اختر تے متعلقہ وفاقی وزارتاں، ڈویژنز اتے اداریں دے نمائندگان شرکت کیتی۔اجلاس اچ آٹو پالیسی دے مسودے تے تفصیلی غور کیتا ڳیا تے فیصلہ کیتا ڳیا پالیسی کوں حتمی شکل ݙیوݨ توں پہلے سارے اہم امور دا جامع جائزہ ڳھدا ویسی ۔شرکا آٹو پالیسی دے حوالے نال ساری وزارتاں اتے متعلقہ اداریں دے تحفظات تے شق وار غور کرݨ دا فیصلہ کیتا جݙاں جو پالیسی دے حتمی مسودے دا قانونی، مالی تے انتظامی پہلوواں نال جائزہ گھنݨ تے وی اتفاق کیتا ڳیا۔اجلاس اچ پالیسی دے مسودے کوں وقتی حتمی شکل ݙیوݨ سانڳے روزانہ اجلاس منعقد کرݨ دا فیصلہ کیتا ڳیا۔ شرکا ایں امر تے وی اتفاق کیتا جو آٹو اتے آٹو پارٹس مینوفیکچرنگ پالیسی 2026-31 کوں وزیراعظم دی منظور کیتی ڳئی پالیسی ترجیحات نال ہم آہنگ رکھیا ویسی۔