سکیورٹی فورسز دی آپریشن ردالفتنہ 3 دے تحت بلوچستان اچ دہشت گرداں خلاف بھرپور کارروائیاں جاری

اسلام آباد۔19 ستمبر (اے پی پی) سکیورٹی فورسز دی آپریشن ردالفتنہ 3 دے تحت بلوچستان اچ دہشت گرداں خلاف بھرپور کارروائیاں جاری ہن۔ سکیورٹی ذرائع موجب بلوچستان دے ضلع پنجگور تے چاغی اچ سکیورٹی فورسز فتنہ الہندوستان دے 11 دہشت گرد ہلاک کر ݙتن۔ پنجگور دے علاقے گوارگو اچ سکیورٹی فورسز کارروائی کریندے 5 دہشت گرداں کوں جہنم واصل کرݙتے۔ سکیورٹی ذرائع آکھیے جو پنجگور اچ فتنہ الہندوستان دے ہلاک دہشت گرداں دے قبضے توں وݙی مقدار اچ اسلحہ تے گولہ بارود وی برآمد کیتا ڳئے۔ سکیورٹی فورسز چاغی دے علاقے امین آباد تے سیاہ چنگ اچ دہشت گرداں دے خلاف موثر کارروائیاں کیتیاں، امین آباد تے سیاہ چنگ اچ آپریشنز دے دوران 6 دہشت گرد جہنم واصل جݙاں جو انہاں توں وݙی مقدار اچ اسلحہ تے گولہ بارود وی برآمد کیتا ڳئے۔ سکیورٹی فورسز توں دہشت گرداں دے خلاف کارروائیاں بدستور جاری ہن جیڑھیاں چھیکڑی دہشت گرد دے مکݨ تئیں جاری رہسن۔