وفاقی وزیرِ ریلوے محمد حنیف عباسی دا آپریشن ردالفتنہ 3 دے تحت بلوچستان اچ کامیاب کارروائیاں تے سکیورٹی فورسز کوں خراجِ تحسین

اسلام آباد۔19 ستمبر(اے پی پی) وفاقی وزیرِ ریلوے محمد حنیف عباسی آپریشن ردالفتنہ 3 دے تحت بلوچستان اچ کامیاب کارروائیاں تے سکیورٹی فورسز کوں خراجِ تحسین پیش کریندے پنجگور تے چاغی اچ کارروائیاں دے دوران 11 دہشت گرداں کوں جہنم واصل کرݨ تے سکیورٹی فورسز دی پیشہ وارانہ صلاحیتاں دی تعریف کیتی ۔وزارتِ ریلوے توں جاری بیان موجب وفاقی وزیر آکھیا جو سکیورٹی فورسز دی بہادری، پیشہ ورانہ صلاحیت تے عزم تے پوری قوم سلام پیش کریندی اے۔ انہاں آکھیا جو دہشت گردی دے خلاف جنگ اچ قوم اپݨی بہادر سکیورٹی فورسز دے رلے کھڑی اے، دہشت گردی دے منڈھوں خاتمے تئیں جنگ جاری رہسی۔ وفاقی وزیرِ ریلوے محمد حنیف عباسی آکھیا جو ملک دشمن عناصر دے خلاف سکیورٹی فورسز دا عزم تے حوصلہ پوری قوم کیتے ماݨ دی ڳالھ اے ۔انہاں آکھیا جو بلوچستان اچ امن تے استحکام کیتے سکیورٹی فورسز دیاں قربانیاں تے خدمات قابلِ تحسین ہن۔