آٹو انڈسٹری پاکستان دی صنعتی ترقی اچ اہم کردار ادا کریندی پئی اے، احسن اقبال

لاہور۔20 ستمبر (اے پی پی) وفاقی وزیر منصوبہ بندی، ترقی و خصوصی اقدامات احسن اقبال آکھیے جو برآمدات تے مبنی معیشت دا ودھارا اولین ترجیح اے، وزیراعظم محمد شہباز شریف دے ویژن دے تحت 2035ء تئیں 100 ارب ڈالر دی برآمدات دا ہدف حاصل کرݨ کیتے کوشاں ہیسے، نوجواناں کوں عالمی معیار دے ہنر نال آراستہ کرݨ ناگزیر اے، آٹو انڈسٹری پاکستان دی صنعتی ترقی اچ اہم کردار ادا کریندی پئی اے، ملکی معاشی ترقی دا مستقبل پیداواری تے مینوفیکچرنگ صنعت دے ودھارے، برآمدات اچ ودھارے، تحقیق و ترقی، جدت تے عالمی معیار دی مسابقتی صلاحیت نال وابستہ اے۔ ایکسپو سنٹر لاہور اچ آٹو ایکسپو شو دی تقریب نال خطاب کریندے وفاقی وزیر آکھیا جو برآمدات تے مبنی معیشت دا ودھارا حکومت دی اولین ترجیح اے، ملکی پیداواری ڈھانچے اچ ویلیو ایڈیشن کوں ودھارا ݙیوݨ، صنعتی شعبے کوں جدید ٹیکنالوجی نال ہم آہنگ کرݨ تے نوجواناں کوں عالمی معیار دے ہنر نال آراستہ کرݨ کیتے موثر اقدامات کیتے ویندے پئن۔ احسن اقبال آکھیا جو آٹو انڈسٹری پاکستان دی صنعتی ترقی اچ اہم کردار ادا کریندی پئی اے، تاں جو ایں شعبے اچ جدید ٹیکنالوجی، تحقیق، جدت تے ویلیو ایڈیشن کوں ودھارا ݙیوݨ دی لوڑھ اے۔