وفاقی وزیرِ اطلاعات عطاء اللہ تارڑ فرح ناز اکبر دے گھر ونڄ تے سابق انسپکٹر جنرل پولیس دل جان خان مروت دے انتقال تے تعزیت

اسلام آباد۔20 ستمبر(اے پی پی) وفاقی وزیرِ اطلاعات و نشریات عطاء اللہ تارڑ رکنِ قومی اسمبلی فرح ناز اکبر دے گھر ڳئن تے انہاں دے سورھے سابق انسپکٹر جنرل پولیس دل جان خان مروت دے انتقال تے تعزیت کیتی۔ وفاقی وزیرِ اطلاعات مرحوم دے ایصالِ ثواب کیتے فاتحہ خوانی کیتی۔ ایں موقع تے ڳالھ کریندے وفاقی وزیر آکھیا جو دل جان خان مروت قابل، تجربہ کار تے فرض شناس افسر ہن، انہاں ملک تے قوم دی خدمت اچ اہم ذمہ واریاں انجام ݙتیاں۔ مرحوم دل جان خان مروت دے انتقال نال پیدا تھیوݨ آلا خلا کݙاہیں پر نہ تھی سڳسی۔ انہاں مرحوم دل جان خان مروت دے درجات دی بلندی تے لواحقین کیتے صبرِ جمیل دی دعا کیتی۔ واضح رہے جو دل جان خان مروت سابق سیکرٹری داخلہ تے رکن اقوامِ متحدہ نارکوٹکس کنٹرول بورڈ وی رہ چکئن۔