ہنگو اچ خوارج دے خلاف لڑدے ہوئیں شہید تھیوݨ والے 6 فوجی جواناں دی نمازِ جنازہ پشاور اچ پڑھا ݙتی ڳئی

پشاور۔21 ستمبر(اے پی پی)ضلع ہنگو اچ فتنہ الخوارج نال فائرنگ اچ بہادری نال لڑدے ہوئیں شہید تھیوݨ والے پاک فوج دے 6 شہداء دی نمازِ جنازہ پشاور اچ ادا کر ݙتی ڳئی اے۔ پاک فوج دے شعبہ تعلقاتِ عامہ (آئی ایس پی آر) دے مطابق نمازِ جنازہ اچ وفاقی وزیرِ داخلہ محسن نقوی، گورنر خیبرپختونخوا فیصل کریم کنڈی، کور کمانڈر پشاور، اعلیٰ عسکری و سول حکام اتے شہداء دے لواحقین وݙی تعداد اچ شرکت کیتی۔ وطن تے جان نثار کرݨ والیاں اچ کیپٹن ابوذر فاروق شہید، لیفٹیننٹ شیراز بابر شہید، سپاہی شکیل احمد شہید، سپاہی حمزہ شہید، سپاہی محمد عثمان عزیز شہید اتے نان کمبیٹنٹ غلام سجاد شہید شامل ہن۔ نمازِ جنازہ دی ادائیگی دے بعد شہداء دے جسدِ خاکی پورے فوجی اعزاز نال تدفین کیتے انہاں دے آبائی علاقیاں کوں ٻھیڄ ݙتے ڳئن۔ آئی ایس پی آر آکھیے جو دفاعِ وطن کیتے ݙتیاں ونڄݨ والیاں شہداء دیاں اے لازوال قربانیاں سکیورٹی فورسز دے غیر متزلزل عزم کوں ٻیا مضبوط ٻݨیندن۔