اسلام آباد۔26 ستمبر (اے پی پی) صدرِ مملکت آصف علی زرداری وزیرِاعظم دی ایڈوائس تے اسلام آباد کیپٹل ٹیریٹری سیف سٹی کیمرہ تے سرویلنس انفراسٹرکچر دے تحفظ تے ضیان دی تلافی متعلق آرڈیننس دی منظوری ݙے ݙتی اے۔ ایوانِ صدر میڈیا ونگ توں جاری بیان موجب آرڈیننس دا مقصد سیف سٹی کیمریں تے نگرانی دے نظام کوں ضیان توں محفوظ بݨاوݨا تے ضیان دی صورت اچ اوندے ازالے کوں یقینی …
صدرِ مملکت دی طرفوں اسلام آباد سیف سٹی کیمریں دے تحفظ تے ضیان دی تلافی متعلق آرڈیننس دی منظوری
مزید خبراں
اسلام آباد۔26 ستمبر (اے پی پی) صدرِ مملکت آصف علی زرداری وزیرِاعظم دی ایڈوائس تے اسلام آباد کیپٹل ٹیریٹری سیف سٹی کیمرہ تے سرویلنس انفراسٹرکچر دے تحفظ تے ضیان دی تلافی متعلق آرڈیننس دی منظوری ݙے ݙتی اے۔ ایوانِ صدر میڈیا ونگ توں جاری بیان موجب آرڈیننس دا مقصد سیف سٹی کیمریں تے نگرانی دے نظام کوں ضیان توں محفوظ بݨاوݨا تے ضیان دی صورت اچ اوندے ازالے کوں یقینی بݨاوݨا اے۔ آرڈیننس دے تحت سیف سٹی کیمریں تے سرویلنس انفراسٹرکچر کوں ضیان پڄاوݨ، ضیان تے اکساوݨ یا اوندی ترغیب ݙیوݨ تے مالی جرمانہ عائد کیتا ونڄ سڳسی۔ سیف سٹی کیمریں یا سرویلنس انفراسٹرکچر کوں ضیان پڄاوݨ دی صورت اچ فی کیمرہ یا انفراسٹرکچر 20 لکھ روپے تئیں جرمانہ عائد کیتا ونڄ سڳسی۔ جلسے، جلوس، دھرنے، احتجاج، ہڑتال یا اجتماع دے دوران تھیوݨ آلے ضیان دی صورت اچ منتظمین وی ضیان دے ذمہ دار قرار ݙتے ونڄ سڳسن، جرمانے تے ضیان دی لاڳت دا تعین مجاز افسر دی طرفوں شنوائی دا موقع ݙیوݨ دے بعد کیتا ویسی، متعلقہ شخص کوں جرمانے یا ضیان دی لاڳت دے تعین دے خلاف 30 ݙینھاں دے اندر ڈسٹرکٹ اینڈ سیشن جج اسلام آباد دے سامݨے اپیل دا حق حاصل ہوسی، جرمانے یا ضیان دی مقررہ رقم دی عدم ادائیگی دی صورت اچ اونکوں اراضی دے محصول دے بقایا جات دے طور تے وصول کیتا ونڄ سڳسی، جرمانے تے ضیان دی مد اچ وصول تھیوݨ آلی رقم سیف سٹی کیمریں تے سرویلنس انفراسٹرکچر دی مرمت تے تبدیلی تے خرچ کیتی ویسی
