این اے 168 بہاولپور دے ضمنی انتخاب کیتے الیکشن مانیٹرنگ اینڈ کنٹرول سینٹر بݨا ݙتے

اسلام آباد۔26 ستمبر (اے پی پی) الیکشن کمیشن آف پاکستان این اے 168 بہاولپور پنجاب اچ اتوار کوں تھیوݨ آلے ضمنی الیکشن اچ عوام الناس دی سہولت کیتے الیکشن مانیٹرنگ اینڈ کنٹرول سینٹر بݨا ݙتے۔ ترجمان الیکشن کمیشن توں جاری بیان موجب ایں سینٹر اچ عوام الناس کوں انہاں الیکشنز دے حوالے نال رابطہ کرݨ تے اپݨی شکایتاں درج کراوݨ دی سہولت ملسی ۔ شکایتاں دے وقتی ازالے کیتے فوری طور تے کارروائی کیتی ویسی تے ایں مقصد کیتے سینٹر اچ تربیت یافتہ عملہ تعینات کر ݙتا ڳئے۔ الیکشن کمیشن عوام دی شکایتاں دے اندراج تے انہاں دے فوری حل کیتے 4 سطح تے کنٹرول سینٹر قائم کیتن ڄیندے اچ الیکشن کمیشن سیکرٹریٹ اسلام آباد دے علاوہ صوبائی، ڈویژن تے ضلعی سطح تے کنٹرول روم بݨائے ڳئن۔ عوام مذکورہ ضمنی انتخابات دے سلسلے اچ شکایتاں دے اندراج کیتے ای ایم سی سی سینٹر دے عملے نال ای میل [email protected] تے وی رابطہ کر سڳدن۔ کمیشن عوام دی سہولت کیتے سیل اچ ہک مخصوص ہیلپ لائن دی سہولت وی ݙتی اے جیندا رابطہ نمبر 051111327000 اے۔ کنٹرول سینٹر اچ سوشل میڈیا تے الیکٹرانک میڈیا مانیٹرنگ دی سہولت وی موجود اے۔ فیکس نمبر 0519204404 دے ذریعے وی شکایتاں بھیجیاں ونڄ سڳدن۔ اڄ توں رزلٹ ملݨ تئیں سیل اچ شکایتاں جمع کروائیاں ونڄ سڳدن۔ ای ایم سی سی پولنگ آلے ݙینھ تے نتیجے ملݨ تئیں مسلسل کم کریسی