نائب وزیراعظم دی ای سی او وزارتی کونسل دے غیر رسمی اجلاس دی صدارت

نیویارک۔26 ستمبر(اے پی پی) نائب وزیراعظم و وزیرِ خارجہ محمد اسحاق ڈار نیویارک اچ اقوامِ متحدہ دی جنرل اسمبلی دے 81ویں اجلاس دے موقع تے ای سی او وزارتی کونسل (سی او ایم) دے 27ویں غیر رسمی اجلاس دی صدارت کیتی جیندے اچ آذربائیجان دے وزیرِ خارجہ جیحون بایراموف، ایران دے وزیرِ خارجہ سید عباس عراقچی، کرغز جمہوریہ دے وزیرِ خارجہ جین بیک کولو بائیو، تے تاجکستان دے وزیرِ خارجہ سراج الدین مہردین، ترکیہ دے ڈپٹی وزیرِ خارجہ بیریس اکینچی، ترکمانستان دے اقوامِ متحدہ اچ مستقل نمائندے ویپا حاجییف، ازبکستان دے اقوامِ متحدہ اچ ڈپٹی مستقل نمائندے لازیز قرائیف تے قازقستان دی وزارتِ خارجہ دے ڈائریکٹر جنرل بیبوت کولاتایف تے ای سی او دے سیکرٹری جنرل ڈاکٹر اسد مجید خان وی شریک تھئے۔ نائب وزیراعظم 2026-27ء کیتے ای سی او وزارتی کونسل دے چیئرمین ہن، تنظیم کیتے پاکستان دی ترجیحات دا خاکہ پیش کیتا جنہاں اچ تجارتی تے معاشی انضمام، بہتر علاقائی رابطے تے ٹرانزٹ کوریڈورز، ڈیجیٹل طور تے فعال ای سی او فری ٹریڈ ایریا تے موسمیاتی لچک تے زیادہ تعاون شامل ہن۔ انہاں ای سی او دے رکن ملکاں تے زور ݙتا جو او تقریباً نصف ارب لوکاں کیتے امن، لچک تے مشترکہ خوشحالی کوں ودھارا ݙیوݨ کیتے اپݨی اجتماعی طاقت کوں بروئے کار گھن آون تے خطے بالخصوص مشرقِ وسطیٰ اچ موجودہ سکیورٹی صورتحال تے گہری تشویش دا اظہار کیتا