نائب وزیراعظم دی عرب لیگ تے گروپ فور دے سانجھے اجلاس اچ شرکت، فلسطینی عوام دے حقِ خودارادیت و آزاد ریاست دے قیام دے موقف دا اعادہ

نیویارک۔26 ستمبر (اے پی پی) نائب وزیراعظم / وزیرِ خارجہ اسحاق ڈار فلسطینی عوام دے حقِ خودارادیت تے 1967ء توں پہلے دیاں سرحداں تے مبنی آزاد، خودمختار تے متصل فلسطینی ریاست جیندا دارالحکومت القدس الشریف ہووے، دے قیام کیتے پاکستان دے غیر متزلزل موقف دا اعادہ کیتے۔ دفترِ خارجہ دے ترجمان موجب نائب وزیراعظم یروشلم دے حوالے نال عرب لیگ تے گروپ آف 4 اسلامی ملکاں (پاکستان، ترکیہ، ملائیشیا، انڈونیشیا) دے مشترکہ وزارتی اجلاس اچ شرکت کیتی۔ اے اجلاس ہاشمی سلطنتِ اردن دی طرفوں سݙیا ڳیا ہئی تے اے 5 اگست 2026ء کوں عمان اچ منعقدہ یروشلم دے وزارتی اجلاس دا فالو اپ ہئی۔ نائب وزیراعظم مسجدِ اقصیٰ و الحرم الشریف دے خلاف جاری خلاف ورزیاں تے مقبوضہ مشرقی یروشلم اچ تاریخی تے قانونی صورتحال کوں بدالݨ دیاں کوششاں تے تشویش دا اظہار کیتا۔ انہاں یروشلم اچ اسلامی تے عیسائی مقدس جہیں تے ہاشمی سرپرستی کیتے پاکستان دے پختہ موقف دا اعادہ کیتا۔ نائب وزیراعظم / وزیرِخارجہ فلسطینی عوام دے حقِ خودارادیت تے 1967ء توں پہلے دی سرحداں تے مبنی ہک آزاد، خودمختار تے متصل ریاستِ فلسطین دے قیام کیتے پاکستان دے غیر متزلزل موقف دا اعادہ کیتا جیندا دارالحکومت القدس الشریف ہووے۔