ڈیرہ اسماعیل خان دے علاقے درازندہ امن میلے دے نیڑے دھماکہ، 11 بندے بحق، 18 زخمی

ڈیرہ اسماعیل خان۔ 26 ستمبر (اے پی پی) ڈیرہ اسماعیل خان دے علاقے درازندہ امن میلے دے نیڑے دھماکے دے نتیجے اچ 11 بندے جاں بحق جݙاں جو 18 زخمی تھی ڳئن۔ ریسکیو 1122 خیبر پختونخوا دے ترجمان بلال احمد فیضی موجب درازندہ دے علاقے امن میلے دے نیڑے دھماکے دی اطلاع تے ریسکیو 1122 درازندہ سٹیشن دی ٹیم فوری طور تے وقوعہ دی جاہ تے پڄ ڳئی اے تے امدادی کارروائیاں دا آغاز کرݙتے۔ ریسکیو 1122 موجب ہݨ تئیں 18 زخمیاں کوں طبی ݙیندے ہسپتال منتقل کیتا ونڄ چکیے جݙاںجو 11 جاں بحق لوکاں دے جسدِ خاکی وی جائے وقوعہ توں برآمد کرڳھدے ڳئن۔ ریسکیو 1122 دیاں 6 ایمبولینسز، ہک فائر وہیکل تے 25 توں ودھ اہلکار جائے وقوعہ تے امدادی سرگرمیاں اچ حصہ گھندے پئن۔ ریسکیو 1122 دیاں ٹیماں جائے وقوعہ تے امدادی کارروائیاں اچ مصروف ہن جݙاں جو صورتحال دا مسلسل جائزہ ڳھدا ویندا پئے۔