راولپنڈی۔ 28 ستمبر(اے پی پی)امریکی افغانستان جنگ کمیشن دے شریک چیئرز محترمہ شمیلا این۔ چودھری اتے ڈاکٹر کولن ایف۔ جیکسن دی قیادت اچ ہک وفد جنرل ہیڈ کوارٹرز (جی ایچ کیو) راولپنڈی اچ چیف آف ڈیفنس فورسز (سی او اے ایس و سی ڈی ایف) فیلڈ مارشل سید عاصم منیر، این آئی (ایم)، ایچ جے نال ملاقات کیتی۔ پاک فوج دے شعبہ تعلقاتِ عامہ (آئی ایس پی آر) دے مطابق …
امریکی افغانستان جنگ کمیشن دے وفد دی فیلڈ مارشل سید عاصم منیر نال ملاقات
مزید خبراں
راولپنڈی۔ 28 ستمبر(اے پی پی)امریکی افغانستان جنگ کمیشن دے شریک چیئرز محترمہ شمیلا این۔ چودھری اتے ڈاکٹر کولن ایف۔ جیکسن دی قیادت اچ ہک وفد جنرل ہیڈ کوارٹرز (جی ایچ کیو) راولپنڈی اچ چیف آف ڈیفنس فورسز (سی او اے ایس و سی ڈی ایف) فیلڈ مارشل سید عاصم منیر، این آئی (ایم)، ایچ جے نال ملاقات کیتی۔ پاک فوج دے شعبہ تعلقاتِ عامہ (آئی ایس پی آر) دے مطابق امریکی افغانستان جنگ کمیشن دا وفد افغانستان اچ امریکا دی 20 سالہ شمولیت دا جائزہ ڳھندا پئے۔ ترجمان پاک فوج ݙسائے جو ملاقات اچ باہمی دلچسپی دے امور، بشمول پاکستان دی معاونت، خطے دی سکیورٹی صورتحال اتے افغانستان اچ تھیوݨ والی پیش رفت تے ڳالھ مہاڑ کیتی ڳئی جیندے تے کمیشن دے کم سانڳے مختلف پہلوآں تے خصوصی توجہ ݙتی ڳئی۔ فیلڈ مارشل و چیف آف ڈیفنس فورسز تنازع دے دوران سکیورٹی دی صورتحال کوں تشکیل ݙیوݨ والے عوامل دے حوالے نال پاکستان دا موقف پیش کیتا اتے افغانستان اچ وݙی جنگ اچ پاکستان کوں درپیش چیلنجز اڳونہے کیتے۔ انہاں زور ݙتا جو تنازع دے تزویراتی، سفارتی اتے آپریشنل پہلوآں دا جائزہ ڳھندے علاقائی نقطۂ نظر تے پاکستان دے تجربات کوں وی ݙیکھݨا ضروری اے۔ ٻئے پاسو امریکی وفد افغانستان اچ تنازع دے دوران پاکستان دے دیرینہ کردار اتے ݙتیاں ڳیاں قربانیاں کوں منیدے علاقائی امن و استحکام کیتے پاکستان دیاں مسلسل خدمات کوں سراہیا۔
