اسلام آباد۔1اکتوبر(اے پی پی)نائب وزیرِ اعظم/وزیرِ خارجہ محمد اسحاق ڈار موسمیاتی تبدیلی پاروں وال ول آوݨ والیاں قدرتی آفات دے خلاف پاکستان دی مزاحمتی صلاحیت کوں مضبوط بݨاوݨ تے زور ݙتے۔ اے ڳالھ انہاں این ڈی ایم اے دے نیشنل ایمرجنسیز آپریشن سینٹر (این ای او سی) اچ جوائنٹ پاک گلوبل ٹیک فیسلٹی دے قیام بارے ہک اعلیٰ سطح اجلاس دی صدارت کریندے آکھی۔ چیئرمین این ڈی ایم اے اجلاس …
نائب وزیرِ اعظم محمد اسحاق ڈار دی زیرِ صدارت جوائنٹ پاک گلوبل ٹیک فیسلٹی دے قیام بارے اعلیٰ سطح اجلاس
مزید خبراں
اسلام آباد۔1اکتوبر(اے پی پی)نائب وزیرِ اعظم/وزیرِ خارجہ محمد اسحاق ڈار موسمیاتی تبدیلی پاروں وال ول آوݨ والیاں قدرتی آفات دے خلاف پاکستان دی مزاحمتی صلاحیت کوں مضبوط بݨاوݨ تے زور ݙتے۔ اے ڳالھ انہاں این ڈی ایم اے دے نیشنل ایمرجنسیز آپریشن سینٹر (این ای او سی) اچ جوائنٹ پاک گلوبل ٹیک فیسلٹی دے قیام بارے ہک اعلیٰ سطح اجلاس دی صدارت کریندے آکھی۔ چیئرمین این ڈی ایم اے اجلاس کوں این ای او سی دے آفات دی نگرانی، پیشگی وارننگ، تیاری اتے مربوط ردِعمل اچ کردار تے بریفنگ ݙتی۔ انہاں این ڈی ایم اے دے نیکسٹ جنریشن ٹیکنالوجی منصوبے تے موثر آفات دے انتظام اچ بین الاقوامی تعاون کیتے گلوبل ریزیلینس حب قائم کرݨ دے منصوبیاں دا وی خاکہ پیش کیتا۔ نائب وزیرِ اعظم/وزیرِ خارجہ اسحآق ڈار مصنوعی ذہانت اتے ڈیجیٹل ٹیکنالوجیز دے مؤثر استعمال دا مطالبہ کیتا تاں جو ساری توجہ ردِعمل تے مبنی رویے توں پیشگی وارننگ اتے تیاری دو منتقل کیتی ونڄ سڳے۔ انہاں طے شدہ منصوبیاں دے مؤثر تے مربوط نفاذ تے وی زور ݙتا۔ اجلاس اچ وفاقی وزیر برائے موسمیاتی تبدیلی و ماحولیاتی رابطہ کاری ڈاکٹر مصدق ملک، چیئرمین این ڈی ایم اے لیفٹیننٹ جنرل انعام حیدر ملک، وزیراعظم دے معاونِ خصوصی طارق باجوہ، سیکرٹری اقتصادی امور ڈویژن تے وزارتِ منصوبہ بندی و ترقی، وزارتِ خزانہ تے وزارتِ خارجہ امور دے سینئر افسران دے علاوہ این ڈی ایم اے دے افسران شرکت کیتی۔
