حکومت، پیپلز پارٹی تے اپوزیشن وچال مذاکرات دا ݙوجھا دور شروع

اسلام آباد۔3 اکتوبر (اے پی پی) حکومت تے اپوزیشن دیاں مذاکراتی ٹیماں اچ مذاکرات دا ݙوجھا دور شروع تھی ڳئے۔ سپیکر میڈیا آفس توں جاری بیان موجب سپیکر قومی اسمبلی سردار ایاز صادق اجلاس دی صدارت کیتی۔ ایں موقع تے شرکاء کوں خوش آمدید آہدے سپیکر آکھیا جو گزریل ݙینھ دا اجلاس ٻہوں خوشگوار ماحول اچ تھیا ہئی، امید اے جو اڄ وی سارے فریقین ایں ماحول اچ مذاکرات کوں اڳوں ودھیسن۔سپیکر قومی اسمبلی سردار ایاز صادق حکومت، پیپلز پارٹی تے اپوزیشن ارکان دا شکریہ ادا کیتا۔ حکومت دے پاسوں وفاقی وزراء امیر مقام، رانا ثناء اللہ، محسن رضا نقوی تے طلال چوہدری مذاکرات اچ شریک ہن۔ پیپلز پارٹی دی پاسوں شیری رحمان، نوید قمر تے اعجاز حسین جاکھراݨی مذاکرات اچ شریک ہن۔ اپوزیشن دے پاسوں بیرسٹر گوہر خان، راجہ ناصر عباس، عامر ڈوگر، اسد قیصر، حلیم عادل شیخ تے سلمان اکرم راجہ شریک ہن۔