اسلام آباد۔6 اکتوبر(اے پی پی) پاکستان اتے برطانیہ تجارت و سرمایہ کاری، تعلیم، سلامتی اتے باہمی دلچسپی دے شعبیاں اچ تعلقات تکڑے کرݨ دا عزم دوہرائے۔ ترجمان وزارتِ خارجہ دے مطابق نائب وزیراعظم و وزیرِ خارجہ سینیٹر محمد اسحاق ڈار برطانیہ دے دفترِ خارجہ، دولتِ مشترکہ و ترقیاتی امور (ایف سی ڈی او) دے وزیرِ مملکت برائے مشرقِ وسطیٰ، شمالی افریقہ، افغانستان اتے پاکستان سٹیفن ڈاؤٹی دا دفتر خارجہ اچ …
نائب وزیراعظم و وزیرِ خارجہ سینیٹر محمد اسحاق ڈار نال برطانیہ دے دفترِ خارجہ، دولتِ مشترکہ و ترقیاتی امور دے وزیرِ مملکت سٹیفن ڈاؤٹی دی ملاقات
اسلام آباد۔6 اکتوبر(اے پی پی) پاکستان اتے برطانیہ تجارت و سرمایہ کاری، تعلیم، سلامتی اتے باہمی دلچسپی دے شعبیاں اچ تعلقات تکڑے کرݨ دا عزم دوہرائے۔ ترجمان وزارتِ خارجہ دے مطابق نائب وزیراعظم و وزیرِ خارجہ سینیٹر محمد اسحاق ڈار برطانیہ دے دفترِ خارجہ، دولتِ مشترکہ و ترقیاتی امور (ایف سی ڈی او) دے وزیرِ مملکت برائے مشرقِ وسطیٰ، شمالی افریقہ، افغانستان اتے پاکستان سٹیفن ڈاؤٹی دا دفتر خارجہ اچ استقبال کیتے اتے ملاقات کیتی۔ فریقین پاکستان اتے برطانیہ دے تعلقات دا جائزہ گھدا اتے باہمی تعلقات ودھ تکڑے ٻݨاوݨ دا عزم دوہرایا۔ ݙوہائیں رہنماواں علاقائی اتے بین الاقوامی صورتحال تے الیندے خطے اچ بدلدی صورتحال تے چنتا کیتے۔ نائب وزیراعظم و وزیرِ خارجہ اسحاق ڈار زور ݙتے جو علاقائی اتے عالمی چیلنجاں نال نمٹݨ کیتے مسلسل مذاکرات اتے سفارتکاری ݙاݙھی اہم اے۔ فریقین پاکستان اتے برطانیہ دے ݙوطرفہ سیاسی مذاکرات تیکھے فعال ٻݨاوݨ کیتے کم کرݨ تے اتفاق کیتے۔
