اسلام آباد۔11 اکتوبر (اے پی پی) پاکستان ریاض دے شاہ خالد انٹرنیشنل ایئرپورٹ کوں حوثی ملیشیا دی جانب توں نشانہ بݨاوݨ دے تازہ ترین دہشت گرد حملے دی شدید مذمت کریندیں ہوئیں سویلین ہوائی اݙے کوں نشانہ بݨاوݨ کوں دہشت گردی دا گھناؤنا فعل، بین الاقوامی قانون دی صریح خلاف ورزی تے علاقائی امن و سلامتی کیتے سنگین خطرہ قرار ݙتے۔ اتوار کوں دفترِ خارجہ توں جاری بیان دے مطابق …
پاکستان دی شاہ خالد انٹرنیشنل ایئرپورٹ تے حوثی ملیشیا دے دہشت گرد حملے دی شدید مذمت
مزید خبراں
اسلام آباد۔11 اکتوبر (اے پی پی) پاکستان ریاض دے شاہ خالد انٹرنیشنل ایئرپورٹ کوں حوثی ملیشیا دی جانب توں نشانہ بݨاوݨ دے تازہ ترین دہشت گرد حملے دی شدید مذمت کریندیں ہوئیں سویلین ہوائی اݙے کوں نشانہ بݨاوݨ کوں دہشت گردی دا گھناؤنا فعل، بین الاقوامی قانون دی صریح خلاف ورزی تے علاقائی امن و سلامتی کیتے سنگین خطرہ قرار ݙتے۔ اتوار کوں دفترِ خارجہ توں جاری بیان دے مطابق پاکستان حملے دے نتیجے اچ جانی نقصان تے لوکاں دے زخمی تھیوݨ دی اطلاعات تے گہری تشویش دا اظہار کیتے۔ بیان اچ آکھیا ڳئے جو اساݙی دعائیں متاثرین تے انہاں دے اہل خانہ دے نال ہن، اساں جاں بحق لوکاں دے لواحقین نال دلی تعزیت کریندوں اتے زخمیاں دی جلد تے مکمل صحت یابی کیتے دعاگو ہیسے، حوثی ملیشیا ولوں شہری آبادی تے اہم بنیادی ڈھانچے کوں مسلسل نشانہ بݨاوݨا قطعی طور تے ناقابلِ قبول اے تے عالمی برادری کوں ایں دی غیر مبہم انداز اچ مذمت کرݨی چاہیدی اے۔ بیان اچ آکھیا ڳئے جو جارحیت دے ایجھیں کھلے حملاں کوں کہیں وی صورت اچ جائز قرار نئی ݙتا ون٘ڄ سڳدا تے انہاں کوں فوری طور تے بند تھیوݨا چاہیدے، پاکستان انہاں مسلسل دہشت گرد حملیاں دے تناظر اچ برادر مملکتِ سعودی عرب دی قیادت تے عوام دے نال غیر متزلزل یکجہتی دا اظہار کریندیں، سانجھے دفاع کیتے مکہ مکرمہ معاہدے تے ایں دی سٹریٹجک، سیاسی تے دفاعی کمیٹی دے حالیہ فیصلیاں دے مطابق پاکستان مملکتِ سعودی عرب دی خودمختاری، علاقائی سالمیت، سلامتی تے استحکام کیتے آپݨے پختہ تے غیر متزلزل عزم دا اعادہ کریندے۔
