وفاقی کابینہ وزیراعظم کوں صوبہ خیبر پختونخوا اچ آئین دے آرٹیکل 232 تے 234 دے تحت ایمرجنسی دے نفاذ دی تجویز ݙے ݙتی، پی ایم ہاؤس توں ایڈوائس ایوانِ صدر بھجوا ݙتی ڳئی

اسلام آباد۔11 اکتوبر (اے پی پی) وفاقی کابینہ وزیراعظم محمد شہباز شریف کوں صوبہ خیبر پختونخوا اچ آئین دے آرٹیکل 232 تے 234 دے تحت ایمرجنسی دے نفاذ دی تجویز ݙے ݙتی، وزیراعظم ہاؤس توں ایڈوائس ایوانِ صدر بھجوا ݙتی ڳئی۔ اتوار کوں پی ایم آفس دے میڈیا ونگ توں جاری بیان دے مطابق وزیراعظم محمد شہباز شریف دی صدارت وفاقی کابینہ دا اجلاس تھیا، کابینہ کوں خیبر پختونخوا اچ امن و امان تے دہشت گردی دی صورتحال بارے بریفنگ ݙتی ڳئی، کابینہ خیبر پختونخوا اچ امن و امان دی وگڑدی ہوئی صورتحال تے دہشت گردی دے خلاف جنگ توں صوبائی حکومت دی دانستہ لاتعلقی دے پیشِ نظر حالات دا تفصیلی جائزہ گھدا۔ کابینہ وزیراعظم کوں تجویز ݙتی جو صدرِ مملکت کوں مشورہ ݙیون جو او حالات دی سنگینی دے پیشِ نظر آپݨا آئینی اختیار استعمال کریندیں ہوئیں صوبہ خیبر پختونخوا اچ آئین دے آرٹیکل 232 تے 234 دے تحت ایمرجنسی دا نفاذ کرن، ایں ضمن اچ وزیراعظم ہاؤس توں ایڈوائس ایوانِ صدر بھجوا ݙتی ڳئی اے۔