اسلام آباد۔11 اکتوبر (اے پی پی) وزیراعظم محمد شہباز شریف ریاض دے شاہ خالد انٹرنیشنل ایئرپورٹ تے حوثی ملیشیا دے حملے دی شدید مذمت کریندیں ہوئیں سعودی قیادت تے برادر عوام دے نال غیر متزلزل یکجہتی دا اظہار کیتے۔ اتوار کوں سوشل میڈیا پلیٹ فارم ’’ایکس‘‘ تے ہک بیان اچ وزیراعظم آکھیا جو او ریاض دے شاہ خالد انٹرنیشنل ایئرپورٹ تے حوثی ملیشیا دے گھناؤنے حملے دی شدید مذمت کریندن، …
وزیراعظم محمد شہباز شریف دی ریاض دے شاہ خالد انٹرنیشنل ایئرپورٹ تے حوثی ملیشیا دے حملے دی شدید مذمت، سعودی قیادت تے برادر عوام دے نال یکجہتی دا اظہار
اسلام آباد۔11 اکتوبر (اے پی پی) وزیراعظم محمد شہباز شریف ریاض دے شاہ خالد انٹرنیشنل ایئرپورٹ تے حوثی ملیشیا دے حملے دی شدید مذمت کریندیں ہوئیں سعودی قیادت تے برادر عوام دے نال غیر متزلزل یکجہتی دا اظہار کیتے۔ اتوار کوں سوشل میڈیا پلیٹ فارم ’’ایکس‘‘ تے ہک بیان اچ وزیراعظم آکھیا جو او ریاض دے شاہ خالد انٹرنیشنل ایئرپورٹ تے حوثی ملیشیا دے گھناؤنے حملے دی شدید مذمت کریندن، جاں بحق تھیوݨ آلیاں دے اہل خانہ نال دلی تعزیت دا اظہار کریندن اتے زخمیاں دی جلدی تے مکمل صحت یابی کیتے دعاگو ہن۔ وزیراعظم آکھیا جو شہریاں تے اہم تنصیبات کوں نشانہ بݨاوݨ آلے حملے کہیں صورت قابلِ قبول نئی اتے علاقائی امن و استحکام کیتے سنگین خطرہ ہن، بین الاقوامی قانون دی کھلی خلاف ورزی اتے ایجھے پرتشدد اقدامات فوری طور تے بند تھیوݨے چاہیدن۔ انہاں آکھیا جو پاکستان مملکتِ سعودی عرب، ایں دی قیادت تے برادر عوام دے نال غیر متزلزل یکجہتی دے نال کھڑے، مکہ مکرمہ دے سانجھے دفاعی معاہدے تے ݙوہیں ملکاں وچال دیرینہ برادرانہ تعلقات دے تحت اساں سعودی عرب دی خودمختاری، علاقائی سالمیت تے سلامتی کیتے آپݨے غیر متزلزل عزم دا اعادہ کریندوں۔
