اسلام آباد۔12 اکتوبر (اے پی پی) وفاقی وزیرِ داخلہ سینیٹر محسن نقوی آکھیا جو وفاقی حکومت تے ایں دے اتحادیاں خیبر پختونخوا حکومت تے پاکستان تحریکِ انصاف (پی ٹی آئی) دی قیادت دے نال پارلیمانی رابطیاں، براہِ راست ڳالھ مہاڑ تے بیک چینل ڈپلومیسی سمیت ہر ممکن راستہ اختیار کیتا، تاہم تمام کوششاں رائیگاں ڳئیاں۔ سماجی رابطے دے پلیٹ فارم 'ایکس' تے آپݨے بیان اچ وزیرِ داخلہ واضح کیتا جو …
مذاکرات دے سارے راہ بند تھیوݨ دے بعد مشکل آئینی قدم چاتا ڳیا، وفاقی وزیرِ داخلہ
مزید خبراں
اسلام آباد۔12 اکتوبر (اے پی پی) وفاقی وزیرِ داخلہ سینیٹر محسن نقوی آکھیا جو وفاقی حکومت تے ایں دے اتحادیاں خیبر پختونخوا حکومت تے پاکستان تحریکِ انصاف (پی ٹی آئی) دی قیادت دے نال پارلیمانی رابطیاں، براہِ راست ڳالھ مہاڑ تے بیک چینل ڈپلومیسی سمیت ہر ممکن راستہ اختیار کیتا، تاہم تمام کوششاں رائیگاں ڳئیاں۔ سماجی رابطے دے پلیٹ فارم ‘ایکس’ تے آپݨے بیان اچ وزیرِ داخلہ واضح کیتا جو خیبر پختونخوا دہشت گردی دا بھاری بوجھ برداشت کیتے تے اتھاں سکیورٹی فورسز تے عام شہریاں بے مثال قربانیاں پیش کیتن۔ انہاں آکھیا جو ایں جیہڑے سنگین حالات اچ محاذ آرائی دی بجائے تعاون کوں ترجیح ݙتی ون٘ڄݨی چاہیدی ہئی۔ وفاقی وزیرِ داخلہ آکھیا جو موجودہ فیصلہ کوئی سیاسی فیصلہ نہ ہا اتے نہ کوئی آسان عمل، بلکہ زمینی حقائق دے پیشِ نظر ہک ناگزیر تے مشکل آئینی قدم ہا۔ انہاں زور ݙتا جو جݙݨ تعاون دے تمام راہ ختم تھی ون٘ڄن تاں آئین تے ملکی سلامتی ای اولین ترجیح ہوندن۔ انہاں وطنِ عزیز دے تحفظ تے دائمی امن و استحکام کیتے دعا کیتی۔
