اسلام آباد۔13 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار صوبیں دی طلب موجب کݨک دی درآمد دے انتظامات تے اطمینان دا اظہار کریندے آکھیے جو کݨک دی پہلی کھیپ اڄوکے مہینے دے چھیکڑ توں پہلے پہلے کراچی پڄ ویسے۔ نائب وزیراعظم دے دفتر توں جاری بیان موجب نائب وزیراعظم و وزیرِ خارجہ سینیٹر محمد اسحاق ڈار دی زیرِ صدارت غذائی سال 2027-2026ء کیتے کݨک …
نائب وزیراعظم دی صدارت اچ سٹیئرنگ کمیٹی دا اجلاس، صوبیں دی طلب موجب کݨک دی درآمد دے انتظامات تے اطمینان دا اظہار
مزید خبراں
اسلام آباد۔13 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار صوبیں دی طلب موجب کݨک دی درآمد دے انتظامات تے اطمینان دا اظہار کریندے آکھیے جو کݨک دی پہلی کھیپ اڄوکے مہینے دے چھیکڑ توں پہلے پہلے کراچی پڄ ویسے۔ نائب وزیراعظم دے دفتر توں جاری بیان موجب نائب وزیراعظم و وزیرِ خارجہ سینیٹر محمد اسحاق ڈار دی زیرِ صدارت غذائی سال 2027-2026ء کیتے کݨک دی درآمد متعلق سٹیئرنگ کمیٹی دا ستواں اجلاس تھیا۔نائب وزیراعظم و وزیرِ خارجہ کݨک دی درآمد تے پیشرفت دا جائزہ ڳھدا تے ایں امر تے اطمینان دا اظہار کیتا جو صوبیں دی طلب موجب کݨک دی وافر فراہمی دے انتظامات کر ڳھدے ڳئن تے کݨک دی پہلی کھیپ اڄوکے مہینے دے چھیکڑ توں پہلے کراچی پڄݨ دا شیڈول اے۔ نائب وزیراعظم و وزیرِ خارجہ ایں ڳالھ تے زور ݙتا جو درآمد شدہ کݨک دے ذخیرے تے پاسکو دی طرفوں صوبیں کوں پہلے ہی مختص کیتی ڳئی کݨک کوں قیمتاں اچ استحکام گھن آوݨ کیتے استعمال کیتا ونڄے تاں جو صارفین کوں ریلیف ݙتا ونڄ سڳے۔اجلاس اچ وفاقی وزیرقومی غذائی تحفظ و تحقیق، وفاقی وزیر تجارت، معاونِ خصوصی طارق باجوہ، سیکرٹری وزارتِ قومی غذائی تحفظ و تحقیق، متعلقہ صوبائی سیکرٹریز تے ٻئے متعلقہ فریقین شرکت کیتی۔
