اسلام آباد۔13 اکتوبر (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال عورتاں تے نکی عمر دیاں ٻالڑیاں اچ خون دی کمی تے ٻالاں دی نشوونما اچ رکاوٹ جیھے مسئلے مکاوݨ کیتے سارے صوبیں اچ ٹاسک فورسز بݨاوݨ تے زور ݙیندے آکھیے ایں مسئلیں نال نبڑݨ کیتے ہنگامی بنیاداں تے اقدامات کرݨے ہوسن کیوں جو پاکستان دا مستقبل ساݙی تریمتاں ٻال تے ٻالڑیاں دی …
وفاقی وزیرِ منصوبہ بندی احسن اقبال دا خون دی کمی اتے ٻالاں دی نشوونما اچ رکاوٹ مکاوݨ سانڳے صوبیں اچ خصوصی ٹاسک فورسز بݨاوݨ تے زور
مزید خبراں
اسلام آباد۔13 اکتوبر (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال عورتاں تے نکی عمر دیاں ٻالڑیاں اچ خون دی کمی تے ٻالاں دی نشوونما اچ رکاوٹ جیھے مسئلے مکاوݨ کیتے سارے صوبیں اچ ٹاسک فورسز بݨاوݨ تے زور ݙیندے آکھیے ایں مسئلیں نال نبڑݨ کیتے ہنگامی بنیاداں تے اقدامات کرݨے ہوسن کیوں جو پاکستان دا مستقبل ساݙی تریمتاں ٻال تے ٻالڑیاں دی صحت، تعلیم اتے بہتر نشوونما نال جڑی اے۔پاکستان اچ تریمتاں تے نکی عمر دیاں چھوہریں اچ خون دی کمی مکاوݨ دے قومی منصوبے دی تقریب نال خطاب کریندے وفاقی وزیر آکھیا جو مسئلیں دی نشاندہی کافی کائنی بلکہ اصل کامیابی دستیاب علم کو عملی اقدامات اتے موثر نتائج اچ بدالݨ اچ ہے ، پاکستان اچ تقریباً ہرݙو اچوں ھک تریمت تے وݙی تعداد اچ ٻالڑیاں خون دی کمی دا شکار ہن جیڑھی صحتِ عامہ اتے انسانی ترقی دے حوالے نال فوری توجہ دا تقاضا کریندے ۔ احسن اقبال آکھیا جو تریمتاں تے ٻالڑیاں دی صحت اتے ترقی اچ سرمایہ کاری درحقیقت پاکستان دے انسانی سرمائے اتے معاشی خوشحالی اچ سرمایہ کاری اے، ملک دی پائیدار ترقی کیتے صحت، تعلیم اتے غذائیت دے شعبیں کوں قومی ترجیحات اچ رلاوݨا ہوسی تے صوبیں کوں سماجی شعبیں دے ترقیاتی پروگراماں اچ توسیع ݙیوݨی ہوسی۔
