نائب وزیراعظم نال سلطنتِ عمان دے وزیرِ خارجہ دی ملاقات، آپسی دلچسپی دے شعبیاں اچ تعاون دے فروغ بارے ڳالھ مہاڑ

اسلام آباد۔14 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار نال سلطنتِ عمان دے وزیرِ خارجہ سید بدر بن حمد بن حمود البوسعیدی ملاقات کیتی جیندے دوران ݙوہیں رہنماواں پاکستان تے عمان دے درمیان قریبی تے برادرانہ تعلقات دا اعادہ کریندے ہوئیں آپسی دلچسپی دے شعبیاں، بالخصوص تجارت، سرمایہ کاری تے عوامی رابطے اچ تعاون ٻیا ݙونڳھا کرݨ کیتے اعلیٰ سطح دے مسلسل رابطے دی اہمیت تے زور ݙتا۔ بدھ کوں ترجمان دفترِ خارجہ دے جاری بیان دے مطابق ݙوہیں وزرائے خارجہ دے درمیان ملاقات پاکستان عمان مشترکہ وزارتی کمیشن دے اٹھویں اجلاس توں پہلے خوشگوار ماحول اچ تھئی۔ݙوہیں وزرائے خارجہ علاقائی صورتحال تے ڳالھ مہاڑ کریندیں ہوئیں پائیدار امن و استحکام دے فروغ کیتے مکالمے تے سفارت کاری دی اہمیت کوں اجاگر کیتا۔ عمان دے وزیرِ خارجہ علاقائی امن تے سلامتی دے فروغ کیتے پاکستان دی کوشساں کوں سراہیا جݙانجو نائب وزیراعظم تے وزیرِ خارجہ وی علاقائی امن و استحکام کیتے عمان دے تعمیری کردار تے مشترکہ امنگاں دی تعریف کیتی۔