وزیرِ اعظم شہباز شریف دا بلوچستان اچ فتنہ الہندوستان دے خلاف سکیورٹی فورسز دی آپریشن ردالفتنہ 3 دے تحت کامیاب کارروائی تے خراجِ تحسین

اسلام آباد۔14 اکتوبر (اے پی پی) وزیرِ اعظم محمد شہباز شریف بلوچستان اچ فتنہ الہندوستان دے خلاف سکیورٹی فورسز دی آپریشن ردالفتنہ 3 دے تحت کامیاب کارروائی کوں سراہندیں ہوئیں آکھیا جو سکیورٹی فورسز دی کامیاب کارروائیاں دہشت گرداں دے خلاف اساݙے غیر متزلزل قومی عزم دا مظہر ہن۔ بدھ کوں وزیراعظم آفس دے میڈیا ونگ توں جاری بیان دے مطابق وزیرِ اعظم آکھیا جو سکیورٹی فورسز ضلع واشک دے علاقہ پلانتک اچ انٹیلی جنس بیسڈ آپریشن اچ 5 دہشت گرد جہنم واصل کیتن جیہڑا لائقِ تحسین اے۔ وزیراعظم آکھیا جو آپریشن اچ دہشت گرداں دے قبضے توں جدید اسلحہ تے گولہ بارود وی برآمد تھیا جیڑھا درپیش چیلنج دی سنگینی کوں ظاہر کریندے۔ وزیراعظم آکھیا جو سکیورٹی فورسز توں جاری کامیاب کارروائیاں دہشت گرداں دے خلاف اساݙے غیر متزلزل قومی عزم دا مظہر ہن۔ دہشت گردی دے خلاف مشترکہ قومی عزم دراصل ملکی امن تے سلامتی دا ضامن اے۔ وزیراعظم آکھیا جو سکیورٹی فورسز تے قانون نافذ کرݨ آلے اداریاں دے افسراں تے جواناں قومی سلامتی کیتے بیش قدر قربانیاں پیش کریندے پئن۔