وزیراعظم محمد شہباز شریف نال مکہ ڈیفنس الائنس دے پہلے سیکرٹری جنرل لیفٹیننٹ جنرل (ر) نعمان محمود دی ملاقات

اسلام آباد۔14 اکتوبر (اے پی پی) وزیراعظم محمد شہباز شریف مکہ امن معاہدے کوں خطے اچ امن، اتحاد تے استحکام کیتے تاریخی سنگِ میل قرار ݙیندیں ہوئیں سعودی عرب دی خودمختاری، علاقائی سالمیت تے سلامتی دے تحفظ کیتے پاکستان دے غیرمتزلزل عزم دا اعادہ کیتے۔ وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف نال مکہ ڈیفنس الائنس دے پہلے سیکرٹری جنرل، لیفٹیننٹ جنرل (ر) نعمان محمود بدھ کوں اتھاں ملاقات کیتی۔ وزیراعظم الائنس دے سیکرٹری جنرل دا عہدہ سنبھالݨ تے لیفٹیننٹ جنرل (ر) نعمان محمود کیتے نیک خواہشات دا اظہار کیتا۔ انہاں آکھیا جو مکہ امن معاہدہ خطے اچ امن، اتحاد تے استحکام کیتے ہک تاریخی سنگِ میل اے۔ مکہ دفاعی معاہدے دے تحت پاکستان سعودی عرب دی خودمختاری، دفاع تے علاقائی سلامتی کیتے شانہ بشانہ کھڑے۔ وزیراعظم آکھیا جو پاکستان سعودی عرب دے آپݨے دفاع دے جائز حق دی مکمل حمایت کریندے، سعودی عرب دی خودمختاری، علاقائی سالمیت تے سلامتی دے تحفظ کیتے پاکستان دے غیرمتزلزل عزم دا اعادہ کریندوں۔ سیکرٹری جنرل مکہ ڈیفنس الائنس وزیراعظم کوں مکہ دفاعی معاہدے دے فریم ورک دے تحت دفاعی تے تذویراتی تعاون کوں فروغ ݙیوݨ دے حآلے نال حکمتِ عملی دا ݙسیا۔