اسلام آباد۔16 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار اقتصادی ترقی، تجارت تے سیاحت دے ودھارے اچ جدید سول ایوی ایشن دے شعبے دی سٹریٹجک اہمیت تے زور ݙیندے متعلقہ حکام کوں ہدایت کیتی اے جو جاری منصوبیں کوں تکھی رفتار نال مکمل کیتا ونڄے تے عالمی حفاظتی و آپریشنل معیارات تے عملدرآمد یقینی بݨایا ونڄے۔ترجمان دفترِ خارجہ موجب نائب وزیراعظم و وزیرِ خارجہ …
نائب وزیراعظم اسحاق ڈار دی صدارت اچ سول ایوی ایشن دے شعبے اچ پیشرفت تے اہم ترجیحات بارے جائزہ اجلاس
اسلام آباد۔16 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار اقتصادی ترقی، تجارت تے سیاحت دے ودھارے اچ جدید سول ایوی ایشن دے شعبے دی سٹریٹجک اہمیت تے زور ݙیندے متعلقہ حکام کوں ہدایت کیتی اے جو جاری منصوبیں کوں تکھی رفتار نال مکمل کیتا ونڄے تے عالمی حفاظتی و آپریشنل معیارات تے عملدرآمد یقینی بݨایا ونڄے۔ترجمان دفترِ خارجہ موجب نائب وزیراعظم و وزیرِ خارجہ محمد اسحاق ڈار دی زیرِ صدارت سول ایوی ایشن دے شعبے اچ پیشرفت تے اہم ترجیحات دا جائزہ گھنݨ کیتے اجلاس منعقد تھیا جیندے اچ آپریشنل فریم ورک، بنیادی ڈھانچے دی بہتری تے فضائی رابطیں کوں ودھارا ݙیوݨ دے اقدامات بالخصوص موجودہ بنیادی ڈھانچے دی ترقی و اپ گریڈیشن تے بین الاقوامی پروازاں دے روٹس اچ توسیع دا جائزہ ڳھدا ڳیا۔نائب وزیراعظم و وزیرِ خارجہ اقتصادی ترقی، تجارت تے سیاحت دے ودھارے اچ جدید سول ایوی ایشن دے شعبے دی سٹریٹجک اہمیت تے زور ݙتا۔ انہاں متعلقہ حکام کوں ہدایت کیتی جو جاری منصوبیں کوں تکھی رفتار نال مکمل کیتا ونڄے تے عالمی حفاظتی و آپریشنل معیارات تے عملدرآمد یقینی بݨایا ونڄے تاں جو بین الاقوامی مہماناں، مسافراں تے فضائی کمپنیاں کوں مؤثر خدمات ݙتیاں ونڄ سڳن۔ اجلاس اچ وزیراعظم دے معاونِ خصوصی طارق باجوہ، سیکرٹریز خارجہ امور و دفاع تے ٻئے سینئر حکام شرکت کیتی۔
