اسلام آباد ۔ 6 جولائی (اے پی پی) پاکستان مسلم لیگ (ن) دی ترجمان مریم اورنگزیب آکھے جو مسلم لیگ (ن) احتساب عدالت دے فیصلے کوں مسترد کریندی ہے ۔ نجی ٹی وی چینل دے مطابق جمعہ کوں احتساب عدالت دے ایون فیلڈ ریفرنس اچ فیصلے دے بعد آپنڑیں بیان اچ مریم اورنگزیب آکھیا جو ایں طرح دے فیصلے آندے راہندے ہن ، تریخ انہاں دا جواب ڈیسی ۔ انہاں دا بیا آکھنڑ ہئی جو نواز شریف کوں ایں فیصلے نال کئی وی فرق کائناں تھیسی ۔

اسلام آباد ۔ 6 جولائی (اے پی پی) الیکشن کمیشن وضاحت کیتی ہے جو کئی وی سزا یافتہ فرد آئین دے آرٹیکل 63 دے تحت انتخابات اچ حصہ نہیں گھن سگدا۔ جمعہ کوں الیکشن کمیشن ولوں جاری کیتی گئی وضاحت اچ آکھیا گئے جو آئین دے آرٹیکل 63 دے تحت اے گالھ واضح ہے جو کئی وی سزا یافتہ شخص انتخابات اچ حصہ نہیں گھن سگداجڈانجو مریم نواز اتے کیپٹن (ر) محمد صفدر دے خلاف احتساب عدالت توں فیصلہ ملنڑ دے بعد ہی اوندی روشنی اچ ریٹرننگ افسراں کوں ہدایت جاری کیتیاں ویسن ۔