11سال بند رہونڑ دے بعد برٹش ائیرویز پاکستان سانگے اپنڑاں فلائٹ آ پریشن باقاعدہ بحال کر ڈتے، پہلی پرواز240 اسلام آباد پج گی, برٹش ایئر ویز دا لندن توں اسلام آباددا روٹ برطانیہ اچ رہونڑ آلے پاکستانیاں سانگے ڈائریکٹ کنکشن اتے آسانی پیدا کریسی‘وفاقی وزیر ہوا بازی غلام سرور خان دی گالھ مہاڑ

اسلام آباد ۔ 3 جون (اے پی پی) دہشت گردی اتے سکیورٹی خطر پاروں 11سال دے بعد برٹش ائیرویز پاکستان سانگے اپنڑاں فلائٹ آ پریشن باقاعدہ بحال کر ڈتے، برٹش ائیر ویز دی پہلی فلائٹ240 اسلام آباد پج گی ہے ۔ برٹش ایئرویز دی پہلی پروازسویل 9 وج تے 10 منٹ تے انٹرنیشنل ایئرپورٹ تے لینڈ کیتا ،جتھاں وفاقی وزیر ہوا بازی غلام سرور خان، وزیراعظم دی معاون خصوصی اطلاعات ڈاکٹرفردوس عاشق اعوان،وزیراعظم دے مشیر تجارت تے ٹیکسٹائل عبدالرزاق داﺅد، وزیراعظم دے معاون خصوصی اوورسیز پاکستانیزتے چیئرمین پی ٹی ڈی سی ذوالفقارعلی بخاری ، برطانیہ دے ہائی کمشنر ٹامس ڈریو، برٹش ائیرویز دے چیف کمرشل آفسراں اتے اینڈریو بریم اتے سیکرٹری ہوابازی/ ڈائریکٹر جزل سول ایوی ایشن شارخ نصرت سمیت اعلیٰ حکام استقبال کیتا۔ایں موقع تے گالھ مہاڑ کیندے ہوئیں وفاقی وزیر ہوا بازی غلام سرور خان آکھیا جو کہابرٹش ایئر ویز دا لندن توں اسلام آباددا روٹ برطانیہ اچ رہونڑ آلے پاکستانیاں سانگے ڈائریکٹ کنکشن اتے آسانی پیدا کریسی‘ڈوہائیں ملکاں وچال سانجھے تعاون اتے یاری دا رشتہ ہے،پاکستان اتے برطانیہ وچال ایوی ایشن سیکٹردا رشتہ وڈا تریخی ہے۔انہاں آکھیا جو اسلام آباد ایئرپورٹ ہک سٹیٹ آف دی آرٹ ائیرپورٹ ہے جیرھا جوسالانہ تقریباً90 لکھ مسافراں دی گنجائش رکھیندے ۔غلام سرور خان آکھیا جوایوی ایشن پالیسی 2019 وزیراعظم دے احکامات تے عمل کریندے ہوئیں سیاحت دی ترقی سانگے اہم ہے، حکومت ایوی ایشن سیکٹر کوں وڈی اہمیت ڈیندی ہت کیونجو ایوی ایشن سیکٹر معاشی ترقی سانگے اہم ہے اتے ایندے علاوہ ایہ ناصر ف علاقائی بلکہ بین الاقوامی رابطیاں سانگے ہک کنکشن دے طور تے وی استعمال تھ سگدی ہے۔